إخت زوجج تغلط عليج أمامه و يسكت ..شتسوين ؟؟؟ دعوة للنقاش

والله اختي هالأمورحساسة .

بس انصحك ما تتمادي بالحديث معاها لو طبيعتها تحتد وتشتد.

:27: عزيزتي اذا غلطت عليك اخت زوجك بالكلام قدامه افضل السكوت وعدم الرد بالمره يعني بالعاميه (التطنييييييييييييششش)
ولا تبينين لزوجك انك متضايقه صدقيني راح تكبرين بعينه وبعدين ليش تستنين زوجك يرد عنك اهم شي انك ماتدخلينه بينكم يعني بينك و بينها بس صدقيني هذي هي طريقة تعاملي مع خوات زوجي انا مااقول تسكتين على اهانه قويه لا ردي بس مو باهانه ثانيه لا ردي باحترام لان هذي شخصيتك ومستواك وقولي لنفسك ماراح انزل لمستوى اقل وصدقيني راح تكبرين بعين زوجك ولا تفقدين احترامهم لك ان شاء الله
وان شاء الله مايصير بينكم شي :D

يا حبيباتى .... أشكركم على الرد
... بس مو قادرة أهضم هالسالفة أبد ... ليش الزوج دايم مع أهله؟؟ حتى إذا كانو هم الغلطانين !!
عيل ليش الزواج والأولاد والبيت ؟؟ علشان ينهدم بسبب فلانه قلت أدبها ولا لقت أحد يوقفها عند حدها !!!

صدقيني ماراح يرد عليها.. بالعكس ممكن اذا عاتبتيه يقول لك:"ما صار شي.. انتي تتوهمين.. الحوار كان عادي بس انتي اللي موسوسه وبتخربين بيني وبين اهلي"
عشان كذا اخت زوجك هذي لا تحتكين فيها كثير.. خليك من بعيد لبعيد.. واذا شفتيها هلي ورحبي وبس.. واحتسبي الاجر عند الله.. ولا تحاولين الدخول معاها بنقاش ابداااااا لان اللي ما استحت في اخوها.. ما راح تستحي قدام الناس.. يعني ممكن تصرخ عليك قدام ضيوف.. فأدعي ان الله يهديها ويكفيك شرها.. وطنشيها.
وبالنسبه لزوجك مو ضعف في الشخصية.. تراه والله من جوا منقهر ومتفشل من اخته.. لكن مايعترفون.. بعدين فيه كذا سبب يمنعه من الوقوف معك:
1-لو رد على اخته ممكن يكبر الموضوع واهله يقولون: "جبناه وتعبنا عليه وربيناه وكبرناه وعلمناه وبالنهايه جاي يهاوشنا عشان المدام.. اكيد لاعبه براسه وساحرته ومن هالخرابيط.. ترا الرجال يحط هالشي بباله.. فما قال لاخته شي..
2- لو نحسبها من وجهة نظره فأنه بيقول: "لو رديت على اختي عشان زوجتي بيكبر الموضوع واختي بتزيد عليه وبيتضايقون كل اخواتي وامي.. اما زوجتي فهي وحده.. واراضيها بعدين:)"

عشان كذا لا تتعبين نفسك معاه والافضل مايدخل بينكم ابدا.. انتي ماشاء الله باين من تصرفك اللي سكتي ومارديتي مع انه مغلوط عليك انك منتي هينه.. ماشاء الله تمسكين نفسك وتقوين شيطانك.. لو احد غيرك رد عليها بكلام اقوى وصوت اعلى وومكن بعض الحريم تلتفت على رجلها وتقول له شفت خواتك وش يسوون؟ لكن ماشاء الله عليك منتي سهله.. الله يسعدك.. ويسخرك لك رجلك واهله.. وجعلهم يغلونك اكثر من بناتهم.. قولي امين

عادي مستحيل يرد ..لان الرجال اهلهم عندهم بالمرتبه الاولى وحنا الله يخلللللللللف آآآآآآآخر الاهتمامات..