مشكوووره وان شاء الله ابشرك وماراح انسى الله يسعدك

عذرا عالتأخير ,, أمس كنت كاتبه رد طويل ومتحمسه وبالأخير رفض يضيف الرد وطلع مكتوب ردودك تجاوزت 3 مشاركات خلال 24 ساعه (جاني احباط :09:)
ـــــــــــــــــــــــــــــــــــ**
(الرسالهـ الأولى يوم الاحد 22 _7)
السلام عليكم ورحمة الله وبركاتة
راح ادخل في الموضوع كم مره حاولت اسوي تمرين 21 \14 وافشل اصل اسبوع او10 ايام وانسى اتمنى تفديني كيف اطبقة على الوظيفة وياريت تتكلمي عن البرمجة اللغوية كيفية المعاملة مع الزوج والاولاد عشان انا لما اعصب :angry:وابكي بسرعة و لساني ما يسكت .
اسلوبك وكلامك جدا راقييييييييييييييييييييييييييي ييييييييييييييييييييي
:26:
شكرا على تعاونك
الحـــل:
حبيبتي دام تنسين مشكله ..؟ :42:
طيب عندي حل واتمنى يفيدك ,,
حطي ورقه تذكير جنب الكومدينا اللي جنب سريرك عشان لما تجي تنامي تشوفينها وتذكرينها ,, وفرصه لما تجين تنامين تسوينها لأنك خلصتي من شغل البيت ومرتاحه ماعندك شيئ يشغلك ,, وبكذا تسوينه وانتي مسترخيه ,,
حبيبتي بخصوص البرمجه اللغويه العصبيه راح انزلها قريب بإذن ربي
اما بخصوص التعامل مع الرجل نزلت موضوع تلاقينه كتبته قبل 3 ايام عن فسيولوجيه الرجل
اتمنى تقرينه ويسعدني اقرا تعليقك هناااك ..
ويارب تتوظفين قريب
انتي قبل كل شي اتكلي على ربك وادعي بآخر الليل لان سهام الليل لاتخطئ
واذا خلصتي الصلوات الخمس بعد السلام ادعي لانها احرى للاجابه
تكلمي كلام طيب مع زوجك واطفالك واحتسبيه صدقه
لان الكلمه الطيبه صدقه وغير كذا راح تكون علاقتك معهم أقوى ,,
طول ماانتي تشتغلين بالبيت خلي لسانك شغال بالاستغفار بنية الوظيفه وربي ماراح يخيب املك
واخر شي طبقي القانون خليك متفائله على طول
قولي يارب ارزقني بوظيفه اتمناها عاجلا وكرريها 21 مرة واذا بتزيديم مو مشكله واستمري 14 يوم واذا بتزيدي الايام مو مشكله
وتمنياتي لك بالتوفيق :)
ــــــــــــــــــــــــــــــــــــــــــــــــــــــــــــــــــــــــــ**
(الرسالهـ الثانيهـ الاحد 22_7)
السلام عليكم ورحمه الله وبركاته

عزيزتي الاخصائيه انا عندي 3مشكلتين ياليت الاقي حل منك

انا طالبه وادرس خارج المملكه ونفسي ومنى عيني اتفووق واكمل بس احس اني بليده ومو شاطره مع اني ذكيه جدااا واحب القراءة واحفظ بسرعه وسبق وتفوقت بدراستي وانا متزوجه ولدي اطفال ودايم لما افكر اقول انا شاطره بس بعدين يقطع تفكيري يقول لا انتي حاولتي مرتين تكملين بس مافيه فايده تكلمين لحد النص وتوقفين انتي بس تنفعين بالبيت وتكونين ام مو للدراسه وهذي المحاوله الثالثه واخاااااااااااااف افشل فيهاااااااا ابي اعرف كيف اشجع نفسي كيف اشيل هالتفكير السلبي من راسي

ومشكلتي الثانيه هي زوجي سبق له خيانتي بمكالمات وهذا الظاهر والله واعلم اذا ماتعدت هالشئ وتاب من الأولى واستسمح مني والثانيه بعدها بسنه ونص رجع بس رجع لانه كانت بيني وبينه مشاكل وكان راح يوصل الموضوع للانفصال وكنت وانا عند اهلي يتهيئلي انه على علاقه حتى والله مره وانا اخذ شاور بالحمام جتني صوووره لما اكشفه وكيف بتكون حالتي ومن بعدهااا اول مارجعت له واخذني بالسياره كشفته وشفت جواله يعني تحققت افكاري من الو مااخذني من اهلي خاااااااايفه من الثالثه لانها بتكون الحد الفاصل بيني وبينه ودايم افكر بها الشئ وزي الي اتخيل وضعي وتوصل فيني الي البكا لما اتخيل الوضع ساعديني تكفين كيف اشيل هالتفكيرررررررررررررررر وايش الخطووات الي اعملهااا


بااانتظااار يالغاليه
الحــل:
حبيبتي دام انك ماشالله عارفه انك ذكيه ليش تحبطين نفسك :42:
واذا فشلتي مرة ومرتين عاااادي
تذكري كل نجاح عظيم يبدأ بالفشل ,,
واغلب العلماء والمشهورين بداياتهم فشل لكن الاصرار العزيمه وصلتهم ..
دام انك ماشالله متزوجه وعندك اطفال وتكملين دراستك انا اشجعك وبقوووة تكملين
حرام تفوتين على نفسك فرصه عظيمه وانتي ذكيه
ادعي الله وتوكلي عليه قبل كل امتحان واستغفري 100 مرة قبل تفتحين الكتاب وربي بيسهل عليك ,,
حرااام قطعتي مشوار طويل كملي بالسنوات القليله اللي بقت لك
لاتوصلين وتقربين للنهايه وتتركين كل شيئ بمجرد افكار سلبيه تجيك
وهالافكار كلها من الشيطان
تعوذي من ابليس وواصلي بقووووة
تفائلي وكرري طول اليوم وقولي انا ذكيه وراح اتفوق
اطبعي هالافكار براسك
وكل مايجي افكار سلبيه براسك استغفري ربي
وانا واثقه انك راح تجتازين هالشيئ لأنك بنفسك مقتنعه انك ذكيه
واصلي وانا اؤيدك بقوووة
اما من ناحيه خيانه الزوج ,, كثيييييييييير يخونون زوجاتهم بمكالمات
دام بس مكالمات ممكن تغفرين له ,, بس اذا انتي شفتيه بعينك وصل لشيئ اكبر (الا وهو الزنا) هنا بإمكانك تطلبين الطلاق
بس تطلبين طلاق عشان مكالمات لا حبيبتي حرام تخربين بيتك عشان شيئ منتشر بين اغلب الرجال
شوفي غلآتي الرجال اللي يكلمون بنات نوعين
النوع الاول يكلم بسبب نقص الحنان والحب من زوجته فيروح يعوضه بمكالمات بنات
والنوع الثاني بالعكس هو شبعان من كلمات الحب من زوجته بس يكلم بنات تسليه او لعب او انه حاب يلعب ويشوف افكار البنات كيف (يعني مجرد لعب ولهو )
لكن انصحك وبقوووووة ماتواجهينه ,, خلاص انسي اللي راح ,,
وافتحي صفحه جديده ,, غيري حياتك للافضل
مااتوقع تحبين تحملين لقب مطلقه ..؟
مااتوقع انك قادره تعيشين ببين اهلك بدون اطفالك ..؟
مااتوقع لو يجون اطفالك معك ان اهلك يتحملونه ويتحملون مصروف اكلهم وسكنهم ..؟
حبيبتي لاتسببين لنفسك متاهات واعباء نفسيه انتي قادره تجتازينها بمهارة
اذا تبين نصيحتي انا لو مكانك بسوي اللي بقوله لك
لاتفتحين مواضيع مكالمات زوجك معه وانسيها ..
غيري من اسلوبك وطريقه كلامك ,, خلي كلامك يبدا بعباره ياقلبي اسمعني ,, ياحبيبي افهمني ,, ياعمري ,, ياغناتي ,, ياهناي ...الخ
تعودي تكون هالكلمات بااسلوبك
ابتسمي على طول ,, الرجل يحب يشوف ابتسامه زوجته على طول ,,,
اذا تكلم معك استمعي له باابتسامه ونظرات توضح انك مهتمه فيه وفي كلامه
خلي بيتك مبخر على طول فالشيئ ذا يعدل المزاج ونفسيتك
بين فتره وفتره فأجايه بليله حمارء رومنسيه ,,
حددوا يوم بالاسبوع تطلعون مطعم مع اطفالكم
اطلعوا بنهايه الاسبوع ملاهي اطفال والعبوا مع اطفالكم واستمتعوا
غيري من نفسية زوجك
أسهـــــــــــل طريقه تقدرين تدخلين قلب زوجك بشطاره هي اطفالك
استغلي هالنقطه
خلي يلعب مع الاطفال بالملاهي
اطلعوا طلعه بر او منتزة والعبوا مع اطفالكم ..
اعطي طفلك ورده حمراء واول مايرجع زوجك للبيت خليه يستقبله ويقول هذي من ماما وماما تحبك
بكذا نقطه حلوة من صالحك لزوجك ونقطه حلوة انك تطبعين بتفكير اطفالك ان الحب بينكم موجود
اطلعوا شاليه مع بعض ..؟
حاولوا ترفهون عن انفسكم ..
(اذا بتطلبين الطلاق بمجرد انك تكشفيه للمره الثالثه انه يكلم فأنتي هنا بقمة الجنون )
شيلي هالفكره من راسك لان الشيطان شاطر
مشكلتك يعانون منها اغلب النساء وفيهم الشاطره اللي تحلها وترجع زوجها لها بشطارتها
وفيهم الغبيه اللي تخرب على نفسها وتخسر بيتها واطفالها وحياتها عشان سبب تافه هي كان بإمكانها تحله
وحبيبتي اقري موضوع نزلته قبل 3 ايام عن فسيولوجيه الرجل وراح يفيدك كثييييييير ويسعدني ردك هناك :)
وتمنياتي لك حياه زوجيه اسعد
وتوفيق وتفوق بدراستك
ـــــــــــــــــــــــــــــــــــــــــــــــــــــــــــ**
(الرساله الثالثه الاثنين 23_7)
كيفك ربي يسعدك
طيب انا الحين لي 5ايام بداي فيه
يعني بدل ماقول جوخطبوني وتملكت
كنت اقول انا تزوجت رجال صالح وابد اتخيل
واختي معي ينفع الحين اكمل على الايام هذيك وقول جوخطبونا انا واخوتي وتملكنا يعني ابد بسادس يوم كذا ولا اعيد من جديد
وقول جو خطبوني انا واختي وتملكنا لان نسيت الايام الاول مذكر اختي:)
الحي ينفع اكمل السادس ولا ابد من جديد
وانا اجل كم من الوقت وانا اتخيل لان اجلس شوي وبعد انام اوانشغل
معليش كثرت عليك الله يسعدك
الحــل:
خلاص اختي كملي على طريقتك عااادي صحيحه
اما اذا نسيتي او لخبطتي
عيدي من اول وجديد
عاادي اختي مو لازم تطولين وانتي تتخيلين
المطلوب من التخيل هو انه تنطبع فكره ايجابيه
بس اختي مو تطبقين القانون لوحده ,, لا غلآتي ادعي ربك واستغفري بنية الزواج
واذا تقدرين تصدقين حلو
اجمعي اكبر قدر من العبادات عشان تكون الاجابه اقوى واقرب
بعدين بقولك شي حلو وسهل وصدقه بنفس الوقت
مثلا هنا بالمنتدى وحده طالبه مساعده لمحل او عطر او ميك اب او اي شي او حتى لو فضفضه اكتبيلها رد وانتي تنوينها صدقه لأن الكلمه الطيبه صدقه:)
وانا متفائله خير ان حظك قريب وحلو
وطمنينا اول مانتخطبين ,,,
انتظر منك رساله عالخاص ودعواتي لك يالغاليه بالتوفيق :26:

(الرسالهـ الأولى _ الأربعاء 25-7 )
كيفك ياقلبي
انا بقولك مشكلتي:44:
الي بجد تعبت منها
انا حسود وغيور احس نفسي
يعني مدري ليش انقهر يعني الحين
صديقتي انقبلت فالجامعه جابت لها واسطه و
انقبلت وانا مو اتمنى لها انه ماتنقبل لا بالعكس كنت اشجعه
بس انقهرت اقول ليش انا الي كنت ادرس واتعب وهي كنت ماتذكرو مهمله تنقبل يعني اتمنى ماانتقبل لا اتمنى بس ابي اكون معه وشي ثاني في سالفه احنا مررره ضروفنا غير يعني هي الحمدلله ظروفه حلوه بس دايم متضايقه انا عاد انقهر منه اقول ليش هي كذا وانا ظروفي اسو منه بالعكس ماحول اني اكون كذا اضحك وافراح حتى بشي القليل هي حتى انقبلت محسه فرحان
انا وربي اعزها وهي في واحد يقرب لها يبي يخطبه وهي تحبه بس ماتبيه انا بصراحه انقهرت تمنيت عندي احد مثله
وسالفه ثاني مره صديقتي كتبت كلام لصديقته تمدح فيه انا انقهرت وانا قهر اذا شفتي صديقتي تسوالف مع بنات ثانيا ومسوي شله انقهر لان انا صديقتي مو مثله كلهم يتغيرون واكون ابي مثله
انا وربي ابي اترك هالعاده وادعي ربي بس مقدر مدري ليش اتمنى اصير مثل صديقاتي لان انا ظروفي غير مانطلع واحد يجين وصرت لما يتكلمون عن حياتهم انقهر انا متمنى تتغير حياتهم لا بس ابي مثلهم يعني انقهر لما اشوف احد عندنا شي مو عندي ومتذمر منه انقهر ابي مثلها او شايف الي عند ولا شي عرف كلامي طويل وملخبط بس اعذريني وربي تعبت من هشي مدري انا حسود او غيوره؟؟
وعلى فكررره وربي اذا قالو لي شي عندهم اذكر الله قبل لان اخاف احسدهم دون قصد وادعي لهم انا ربي يبارك لهم فيه بس ماحب احد يتذمر وربي منعم عليه لو بشي قليل
والله يجزاك خير


الحل:
هلا فيك حبيبتي
حسب مافهمت من كلامك انو تقريبا عمرك لايتجاوز 20
(لسى حبيبتي انتي بتضارب نفسي )
وانتي مو حسوده ,,
يمكن غيورة بشكل نسبي
وخصوصا من النوع اللي تقارنين حياتك بحياة غيرك
كذا راح تتعبين نفسيا ,,
هذا أغلب خراب بيوت المتزوجات لما تجي تقارن ان فلانه سافرت وهي لا
فلانه لما طلعت من المستشفى سوالها زوجها حفله وانا لا
فلانه سكنت بيت روعه وانا لا
(إلى متى المقارنات ..؟)
إلى متى الإحباط النفسي ..؟
ربي قسم أرزاقنا ونحن ببطون أمهاتنا ..
لاتخلين الشيطان يتمكن منك ويقول ليش انا ظروفي كذا
ليش حياتنا كذا
ليش مالي حظ زيها
ليش فلانه متوفر عندهاكذا وكذا وكذا وانا لو يتوفر لي واحد من حاجاتها بطير من الفرحه
انتبهي من المقارنات ,,
لاتنظرين لفوق تنكسر رقبتك ....
طيب غلآتي خليك معاي وركزي بكلامي ,,
ليش المعاق انولد معاق وش ذنبه انه معاق وانتي تمشين
ليش البنت اللي أهلها رافضين تدرس هي ماتدرس وانتي اهلك موافقين تدرسين
ليش فلانه رافضين أهلها يكون عندها نت وأنتي عندك نت
ليش فلانه فيها عيب خلقي وانتي ماعندك عيب خلقي ومتعافيه
لاحظتي حبيبتي فيه ناس تتمنى حياتك
ورب الكون فيه ناس تتمنى حياتك
تتمنى عافيتك
تتمنى دراستك
تتمنى يكون عندها نت زيك
لكن هل تتوقعين يصير لهم زيك ,,
ممكن ايه وممكن تقعد تحطم نفسيتها وتظل طول عمرها كذا
اذا بتعرفين انك بنعمه ناظري اللي اقل منك واحمدي ربك
انتي الحمدلله مو حسوده ,,
لكن الشيطان حيييييييييل متمكن منك ..
عيشي حياتك وانبسطي
انتي يمكن تقولين واذا عندي نت عادي مو شي يفرح مرة
اجل صديقتك تقول عادي انقبلت بالكليه مو شي يفرح مرة
(فهمتيني)
يعني ربي خلقنا طبقات عشان هذا ابتلاء من ربي
والله وتالله وبالله الصحه والعافيه أهم شيئ ,, أهم من المال والدراسه وكل شيئ
دام فيك صحه كل شيئ مقدور عليه
بس اذا راحت الصحه كيف تقدرين تحصلين على اللي تبينه
بعدين صديقتك عندها الماده ميسورة وعندها واسطه انقبلت بكليه
بس انتي تدرين وش عندك ..؟
عــندك رب عظــــيم
ابسطي سجادتك وادعي باللي خاطرك فيه
يكفيك وعد ربي الحق (ادعوني استجب لكم )
بدال ماتضيعين وقتك بالمقارنات وبالنهايه انتي عارفه ومتأكده انك ماراح تطلعين بنتيجه إيجابيه
كل اللي بتطلعين به نفسيتك زفت وافكارك متشائمه ,,,
استغلي وقتك بالدعاء
الدعاء يحقق المعجزات
الدعاء يسهل كل عسر
وربي يوفقك حبيبتي
وطمنيني عنك شنو صار عليك بعد اسبوعين انتظرك برساله عالخاص ..
*******************
ملاحظه:
غدا آخر يوم للردود خلال الاسبوع هذا
وبعد كذا راح نفتح موضوع ردود من السبت للجمعه القادمه
ودمتم بــــود

كل الشكر لكى
الله يوفقك ويسعدك وجزاك الله خيرا بلي تسوينه
ويسهل الله لك جميع امورك دنيا واخره

(الرسالهـ الأولى الجمعه 27-7 )
هلا والله
صباح الخير

الحمدلله انك موجوده بغيت انجن يوم شفتك متصله ياقلبي هههههههههه
معليش كان ودي أرد عليك لكن مشاركاتي عددها أمس خلصت
قريت لك موضوع بخصوص قانون الجذب

انا ابي اجرب قانون الجذب
بس اذا جيت اكتب اللي ابيه واكتب جنبه ردة فعلي مثلا الحمدلله او اي كلمة تجي واكتبها
الحين ابي اكررها وش اقول
اقول اللي كتبته وابي يتحقق لي بعد الله واقول وراه ردة الفعل
وبعدين اقول اللي ابيه يتحقق واقرأ ردة الفعل الين اوصل 21 مره صح؟

يعني لاجيت اكرر اللي كتبته اكرر الامنيه وردة الفعل يعني لازم اقول ردة الفعل من ضمن كلامي
واكتبها على ورقة واكررها صح؟
واقولها بصوت واضح او بنفسي؟؟

افيديني الله يجزاك الجنه
الحـــل:
حبيبتي مثلا لنفترض انك تبين وظيفه
قولي انا توظفت ولله الحمد وكرريها 21 مرة أو زيدي مو مشكله
وانتي تكرريها غمضي عيونك واسترخي واستشعري انك موعوده بوظيفه
واذا خلصتي من الاستشعار والتكرار اكتبي بورقه شنو حسيتي بردة فعلك
هل حسيتي انك نتفائله ومقتنعه انك راح توظفين
او حسيتي انك محبطه ومتشائمه
الغرض من ردة الفعل عشان تعرفين انتي وصلتي لنتيجة قانون الجذب أو لا
لان الخلاصه والهدف من قانون الجذب هو تحفيز التفكير الإيجابي وحسن ثقتك بربك
وهذا هو المطلوب (أتمنى فهمتي قصدي )
**************************
(الرسالهـ الثانيهـ الجمعه 27-7)
مرحبا اختي انا عندي مشكله متعبتني وايد ومنغصه علي عيشتي
انا انسانه خجوله جدآ وانطوائيه ومااحب الزحمه يعني اذا فيه مناسبات
ماقدر احضرها ومااعرف اسولف مع احد حتى مع اقرب الناس لي احس اني
انسانه ناقصه وماعندي ثقه بنفسي ابدآآآآآآ وحساسه جدآآ واحس ان مافيه احد يحبني
ولا يبغاني احس ان مالي اي اهميه وحياتي مالها معنى
نفسي اصير جريئه ومحبوبه بين الناس ويصير لي اصدقاء
وتتغير حياتي بس مادري شلون ياريت تفيديني
والله يعطيك العافيه

الحـــــــل:
مشكلتي غويصه شوي ,, يعني مشكلتك متعمقه وضروري أفهم أكثر
جاوبيني على الأسئله التاليه عشان أقدر أساعدك
حبيبتي اكتبلي كم عمرك..؟
وتدرسين بأي صف ..؟
كم عدد أخواتك المتزوجات والغير متزوجات ..؟
كيف علاقتك مع أخواتك ..؟
كيف علاقتك مع امك وابوك ..؟
كيف علاقتك مع اخوانك ..؟
كيف علاقتك مع زميلاتك بالمدرسه ..؟
من متى وأنتي خجوله وإنطوائيه ..؟
شنو يضايقك من جمعات البنات ..؟ يعني ليش تتضايقين من جمعاتهم ..؟
قد صارلك موقف محرج بسبب خجلك وانعزالك اذكريه لي ..؟
بعد هالأسئله بإذن ربي أقدر أساعدك ..:)
**************************
رسالهـ من عضوه أرسلتها لي أكثر من مرتين :
ممكن تسسجلين معنا بالمنتدى تكفين لاترديني
الحل :
حبيبتي لي الشرف أشارك معكم ..
ولا أحب أرد احد ..
بس اعذريني وقتي حيييييييل ضيق
ماأفضى الا ساعه واقضيها بمنتدى حواء إما بطرح موضوع أ ردودي عالخاص
دمتي بـــ:26:ـــود عزيزتي ..
*********************
ملاحظه هذي آخر رسائل خاص ارد عليها خلال هالأسبوع ,,
من السبت بتاريخ 28-7 ألى الجمعه 5-8 راح افتح موضوع واجمع فيه ردود الاسبوع كله
نفس طريقتي هنا ..