(إخصائيهـ إجتماعيهـ) هنا ردودي عالخاص ,, وراح ارد على رسايلكم بواسطة التعديل ,,!!

السلام عليكم اختي العزيزة اتمنى انيكون لديك وقت لسمع مشكلتي انا عندي عدم الثقة بنفسي حاولت اثق بنفسي بس دايم حظي يجي عكس دايم انصدم بناس معي وسوس وافكار سلبية قهرية معي تتخلص فى الخوف من اني افقد احد عزيزي ومعي اكتئاب انا فتاة لم اتزوج ولاعمري انخطبت مدري ليش ياسبحان الله عندي خوف يمكن من عدم ثقتي بنفسي ارجو مساعدتي انتظرر ردك وجزيتي الف خير

حبيبتي انتبهي معاي ربي يوفقك :
وعليكم السلام ,,
غلآتي خذي راحتك كلي آذان صاغيه لك ولغيرك ,,
فهمت إنك ماتثقين بنفسك عشان دايم حظك عكس ,, ليش حبيبتي حظك عكس ,,
لا حبيبتي حالتك ماتصنف إكتئاب ’’ انتي بس مترددهـ وخايفهـ من المستقبل ,, وخوفك من العنوسهـ ,,
غلآي أنتي حيييييييل الشيطان متمكن منك ,,!!
انتي مرة مستسلمه للتشائم وتبين حياتك تنحل ,,
ربنا سبحانه يقول بحديث قدسي : يظن عبدي بي مايشاء فإن ظن بخير فله , وإن ظن بشر فله ,,
أحسني الظن بربك وقوي علاقتك بربك
( أعذريني أختي لاحظت ثقتك بربك قلييييييييييييييله تنطق باللسان دون ان تستشعرينها )
ثقتك بنفسك تنبع من عدة أشياء ,,
واظبي على صلاتك بأوقاتها ,,
أرقي نفسك ,,
اقراي سورة الفاتحه سبع مرات قبل النوم وانفثي وامسحي جسدك ,,
الزمي الاستغفار بنية الزواج ,,
تصدقي بنية الزواج وياحبذا لو تقدرين تكفلين يتيم ب100ريال فلعل مفعولها أقوى عند رب العباد ,,
حاولي قد ماتقدرين تبتعدين عن المعاصي ,,
والمعاصي اللي تحاولين تبعدين عنها ولاتقدرين بعد ماتسوينها روحي توضي وصلي ركعتين واستغفري ربك ميتين مرة وبكذا ربي راح يكرهك فيها ويغفر ذنوبك بإذنه ,,
ثقي بربك وأعلمي بل تأكدي ان ربك احن وارحم عليك من امك عليك ,,
حبي نفسك واهتمي فيها وابتسمي للي حواليك
( عشان تنطبع عنك صورة إيجابيه )
كلنا غلآي نخاف نفقد ناس عزيزين ( شيئ طبيعي )
بس ماتتركينها تسيطر على تفكيرك وتعيشين حزن ,,
كل ماتجي هالأفكـــــآر السلبيهـ برأسك تعوذي من أبليس وادعي ربك لايفجعك بحبيب او قريب وادعيلهم بطولة العمر
لان الافكار السلبيه ماراح تجلب لك الا الهم
حاولي تطبقين قانون الجذب لانه راح يفيدك كثير ويحول روحك لايجابيه ( انت جدا محتاجه للتفائل )
ومن ناحيهـ الناس اللي تنصدمين فيهم ,,
غلآتي ياكثر ماننصدم بناس وللأسف الناس تغيرت ,,
لكن هذا مايمنع انو فيه ناس حبوبه وطيبه
الخير موجود والشر موجود ,,
انتي لاتثقين في احد ثقه عمياء عشان لايجي يوم وتنصدمين ,,
ولكن حبي اللي حولك ,, وتكلمي معهم ,, بدون لاتسلمين احد ثقتك فيه ,,
( فهمـــتيني ,,!!)
لأنو مفهوم الثقه بالوقت ذا بدأ يتلآشى ,,
حبيبتي لاتثقين بأي شخص حتى لو قريب ,, لكن حبيهم وأستمتعي بأوقاتك معهم ,,
الحياهـ صارت كذا ,, أنتي اسلكي طريقك بروح مرحــهـ ,,
وآخر شي أحب أقوله ,,
ثقه من ثقه تختلف ,,
اذا بتثقين بشخص ثقي بس بحدود ,, مو ثقه عمياء
وبالنهايه اقولك تفائلي تفائلي تفائلي
( تفائلوا بالخير تجدوهـ )
اقراي تمارين تفائل ومواضيع عن التفائل
والأهم قوي علاقتك بربك ,, لانو لاحظت انك بعيده عن ربنا سبحانه وعلاقتك حييييييل ضعيف
وطمنيني عنك أول بأول
انا بإنتظارك ,, وانتظار جديدك ,,
**ــــــــــــــــــ**ــــــــ ـــــــــــ**ــــــــــــــــ* *ــــــــــــــــــــــ
السلام عليكم اختي عندي مشكله في البيت اتمنى احد يساعدني فيها بس ياليت رقم الجوال او التلفون عشان اكلمك فيها لانها خاصه شوي واذا ما فيه امكانيه ارسلي لي رقم احد يقدر يساعدني ويرشدني في حل المشكله تراني في هم عظيم ما يعلم به الا الله سبحانه

وعليكم السلام ,,
اختي أعذريني مثل ماقلتلكم وقت فراغي قصير وواقضيه بمنتدى حواء
غلآتي احكيلي المشكله برساله عالخاص
وراح اوجهك للحل السليم بإذن ربي
وربي يفرج همك ,,
اللي فهمته ان عندكم مراهق صعب جدا
بس شنو فيه ** هل يتعاطى مخدرات ..؟
ولا مشاكله عدوانيه معكم ..؟
ولا عنده مشكله خاصه ..؟
أختي حبيبتي :
كلي آذان صاغيه لك ,,
اذكري المشكله ولو بالتفصيل المختصر وراح افهم قصدك وارسلك رقم الجهه اللي تقدر تساعدك ,,
بإنتظارك عزيزتي ,,!!
:):):)
ــــــــــ**ـــــــــ**ــــــــــــ**ـــــــــــــ**ـــــــــــ**ـــــــــ
ملحوظهـ هامهـ :
أي رساله عالخاص راح أرد عليها هنا بواسطة تعديل المشاركه عشان لاأتاخر على أحد بالرد
ويوميا راح أخصص لكم مشاركه موجود فيه ردودي على رسايل الخاص وكل رساله توصلني ارجع احلها واعرضها بنفس رساله الردود بواسطة التعديل ( كـــذا أفضل حل ,,!! إلين توصل مشاركاتي خمسين وأقدر أرد على كل وحده بنفس رسالتها سواء خاصه أو عامه)
دمـــتم بكل ود ,,:26::26: