السلام عليكم يا بنات ..
اليو م جبت لكم طريقة عجينة الحواجب إللي يا كثر ما إحتكروها بعض الصالونات في الكويت وهي عجيبة وتخفي الشعر الزائد كأنج حافة حواجبج لا وعلى حسب الموضه تحطينها إذا تبين جاينيز وغيره........
ما أبي أطول عليكم لازم تكونين حاطة كريم الأساس والبودره على الوجه مو على الجفون ثم تأخذين القلم الأبيض من أي ماركة أنا أستخدم سمايلينج لأنه مرن وتحددين المكان اللي راح تخفينه بالقلم يعني ترسمين حاجبج بس على المكان اللي تبينه يختفي وبعدين تجيبين قطن أذن وتحطين صمغ الرموش سواءا الأبيض أو الشفاف مو مهم شوية وتوزعينه على الخط اللي رسمتيه بالقلم الأبيض حتى يلزق الشعر على الجلد لا تكثرين قليل ووزعي بسرعة بإتجاه الشعر بخط سيده لا تسوين حركات دائرية ولا شي لا سيده على الشعر وبعدين خليه خمس ثواني ينشف حطيه فوقه القلم خافي العيوب أو كونسيلر بس يكون ثقيل جامد وزعيه فوقة وبعدين حطي اللمعة اللي تبينها صدفي أو ذهبي أو غيره وبعدين ارسمي الحاجب وكملي مكياج عيونج وراح تفاجئكم النتيجة ..
أول مره سويته كثرت الصمغ وتكتل معاي حتى ما قدرت اطلعه بسهولة بس بعدين ضبطته وسويته لخواتي والحمدلله
***** الله أكون نفعتكم وأرجو انكم تدعون لي ولعيالي بالتوفيق والصلاح ...
كاني و ماني @kany_o_many
عضوة جديدة
يلزم عليك تسجيل الدخول أولًا لكتابة تعليق.
يعطيك العافيه بس إنتبهوا وإنتوا تزيلونه لأن ممكن تطيح منكم بعض الشعرات
وفيه عند فور إيفر مزيل خاص بصمغ الرموش
كاني وماني كيف تزيلينه بدون ما يطيح منك شعر؟؟
وفيه عند فور إيفر مزيل خاص بصمغ الرموش
كاني وماني كيف تزيلينه بدون ما يطيح منك شعر؟؟
يعطيك العافيه بس إنتبهوا وإنتوا تزيلونه لأن ممكن تطيح منكم بعض الشعرات وفيه عند فور إيفر مزيل خاص بصمغ الرموش كاني وماني كيف تزيلينه بدون ما يطيح منك شعر؟؟يعطيك العافيه بس إنتبهوا وإنتوا تزيلونه لأن ممكن تطيح منكم بعض الشعرات وفيه عند فور إيفر مزيل...
بصراحه أغسله بالصابون والماي وأمسح بالفوطة عدل وإذا بقي شي بسيط أخليه علشان جذي أقول لا تكثرونه بس مشكوره إنتي على المعلومة راح أروح أشتري المزيل من ميك أب فور إيفر
جنان22 :
لا يمكنك مشاهدة هذا التعليق لانتهاكه شروط الاستخدام.
قلم خافي العيوب مثل قلم الكحل بس يكون عريض حيل وله مبره خاصة فيه تلقينه في محلات الهنود حتى مو ماركة إذا مو عندج مو لازم دوري أي كونسيلر ثقيل مثل المعجون وإستخدميه مو ضروري المهم يكون ثقيل أما بالنسبة للصمغ فيه ناس ما مدحوا فور إيفر يقولون نفس الشمع وأنا بصراحه ما جربته بس عندنا الحين بالصالونات الكشخة يستخدمون صمغ الرموش بس المهم ما تكثرين وتوزعينه بسرعة ولازم بعدين تحطين الكونسيلر واللمعة وبس إن شاء الله يضبط معاج وتدعين لي مع الشكر .
الصفحة الأخيرة
ان شاء الله اجرب