!! إخلااااء مسؤولية!؟؟؟

السلام عليكم ورحمة الله وبركاته
اتمنى من كل واحد فتح الموضوع انه يقرا القصيدة ويقول رايه فيها وهي للشاعر محمد الشهري حسيت اانا لما قريتها انه طااااالعه من قلب واحد مجروح

الواجب انك لاتعديت الحدود..وطفتها
اقل حاجه تحترم نفسك وتحشم جيتي
جوانبي الاخرى ترى للحين ماقد شفتها
فالافضل انك تتقي شري..وتأمن سيتي
كنت احسب انك فاهم لشخصيتي وانصفتها
اثرك الين اليوم ماانت بفاهم لشخصيتي
اجل..ألاعبيك اذا وياي ..ماخففتها
عقليتك وشلون ترقى لمستوى عقليتي
ياهي كثير اشياء صارت منك مااستلطفتها
اقلها كذبك ...وانا في عز مصداقيتي
واخطاء لايمكن تطوف...برغبتي طوفتها
حتى ابين لك مدى صدقي وطيبة نيتي
ياخي انا كل المشاعر ..لجلك استنزفتها
وانت فبرودك للاسف قتلت رومنسيتي
حتى احاسيسك عشاني مابعد كلفتها
ماكنك انت اللي ورا تحطيمك لنفسيتي
اطالب بكامل حقوقي منك..وانت اجحفتها
تقول كني من الـ"بدون"اطالب بجنسيتي
خليتني مصدوم فيك..وهقوتي اخلفتها
واصبحت فاقد شي من طبعي وتلقائيتي
يعني ترى عفويتي من تحت راسك عفتها
مع اني واحد دوم احب اتعامل بعفويتي
لكني اتلفت العلاقة مثل مااتلفتها
مادام انسانيتك...ماهي لانسانيتي
ابشر..وانا اللي دمعتي لليوم ماكفكفتها
اني لاعلمك البكا واثبت لك استاذيتي
واجعلك قصة من صميم التجربة الفتها
دفعت فيها كبرياء احساسي..وحنيتي
صدقني حاولت اتغاضى والعواقب خفتها
لكني اخشى لو تطيح بناس من نوعيتي
احساسها مرهف ولو حاولت واستهدفتها
ماني بساكت..وانتبه من سخطي وسلبيتي
افعالك اصلاً..لامست شخصي وانا صرفتها
وشلون اصرفها..اذا هي لامست قوميتي؟
تستاهل انك تنجحد من ناس ماشرفتها
واول ترددت اجحدك..والحين بامكانيتي
مادامك اتعديت وياي الحدود..وطفتها
غسلت يدي منك..واخليت مسؤوليتي
وسلامتكم