إداريات الامر الملكي ( الجامعيات )

السلام عليكم و رحمة الله و بركاته

قبل ابدأ موضوعي مثل ما هو واضح في العنوان ان الموضوع يخص اداريات الامر الملكي ، يعني اللي هم الان داخل الحدث و ما يحس فيهم الا اللي عايش ظلمهم ..



عشان الكل يعرف خلفية الموضوع ..
انا حنا نقاطنا عالية و اكثرنا تقديرها ممتاز و ما يقل عن جيد جداً و اغلبنا مع مرتبة الشرف ..

حنا فئة تم تعيينا اداري ايام المكرمة مع اعطاءنا الحق بالمطالبة بالتعليمي لمن ترغب خلال سنتين ..

و لكن بعد كذا ،،
الوزارة سلبتنا هذا الحق ، و في المفاضلات التالية عينت من هم على قوائم الانتظار - و هذا حق المنتظرات في القوائم بلا شك - و لكن حرمتنا رغم اننا الأعلى نقاط ..


هذه قصتنا باختصار و هذه المفاضلة المفروض انها اخر مفاضلة نستطيع نقدم عليها على قولهم لانها تعني انتهاء المهلة و الفرصة ( السنتين ) ..

كلامي الموجه للإداريات ..

ان الحقوق يبغالها حلوق ..
و حنا اصحاب حق في القضية ، الوظيفة و لله الحمد نعمة من ربي ..
لكن هم باساليبهم و قرارتهم خلوها فرض علينا ، و مالنا مفر منها و مكانك سر و الكثير منا عندها رغبة في التعليمي و المكاتب تكبلهم هذا غير معمة المهام ، اللي ممكن يقوم فيها من يحمل مؤهل دون الجامعي ..
غير كذا تم تعيينا على مرتبة و حنا حقنا المستوى ..

الحق و المنطق يقول كذا ..

السؤال بنات ..

هل انتم استسلمتوا للواقع ، و رضيتم فيه ؟
انا عن نفسي مو حابة الوضع ، و احس اني مغبونة ..
يمكن غيري يقول احمدي ربك و اسكتي ..
فأنا أقول لهم ربي لك الحمد و الشكر .. من قبل و من بعد ..
بس بهذا الرضوخ اللي انتم فيه هو اللي خل الوزارات تتلاعب فينا و تسكتنا بالقليل عشان تسد حلوقنا ..

و انا اذا بسمع مثل هذه الردود أقول اجل مجتمعي للأسف نسى حقه و نجحت الوزارات في تسكيتهم و تخديرهم ..


ودي اعرف وجهة نظركم يا اداريات الامر الملكي ..