السلام عليكم ورحمة الله وبركاتة
يا بنات هذي أول مرة أكتب في المنتدى فأتمنى منكم المشاركة الحلوة مثل ماعهدتكم:heart::heart:
قبل تقربيا ثلاث أيام راح أبوي الله يحفظه لأحد مراكز خدمة العملاء الخاصة بالجوال عشان يراجع لشريحة أختي لأن فيه مشكلة المهم دخل ابوي وطبعا تخبرون في كذا شخص راح ابوي عند واحد منهم وشرح له المشكلة قام سي السيد يحوس فذا الكمبيوتر وطبعا عرف اسم العميل الي هو ابوي>>ذكية الله يحفظني
بعدين قال له رح عند الي جنبي وكل شوي يرميه على واحد ثاني طبعا ابوي خلاص صار كذا[/SIZE:angry2:
والثاني الي جنب سي السيد مسكين كل الناس عنده فقال لأبوي موضوعك مو عندي عند سي السيد فأبوي طبعا طرطع وقاله أنت ماتحترمني أنا من أول واقف وأنت تحذفني كل شوي على واحد ذاك عصب وقال لأبوي (إذا أنت قبيلي ترى أنا بعد قبيلي) طبعا هنا أبوي صار كذا:blink:: وقاله والله ماأخرنا 20 سنه ورى إلا هالخراط وقاله ترى راتبك وأنا أبوك أنا وهالناس اللي ندفعه شوف هتان اللي جنبك قايم بعمله ليش ماتصير زيه طبعا ذاك عصب وقال لأبوي إذا أنت رجال تعال نتواجه برا فقاله ابوي ليش أنت ولد حواري المهم جاء المسوؤل وحل المشكلة.....
اللي أبي أقوله من هالقصة أني لاحظت في الفترة الأخيرة خصوصا مع هالقنوات اللي طالعة مثل الساحة والصحراء وغيرها أنهها ماسوت شي غير انها زادت العنصريه القبليه وصار كل واحد ماهمه إلا مزاين قبليتنا أحسن من مزاين قبيلتكم وهلمه جرة يعني فذمتكم البعارين هي اللي بترفع قبيله ولا بتنزلها:hahaha::hahaha:
ولا يقولون انه هالقنوات تحافظ على التراث طيب انا ماأقول شي بالعكس المفروض انه نحافظ عليه بس مو بها الشكل يعني ممكن انه يكون في مزايين في العام مرة وحدة لكل القبايل
وبعد شاعر المليون وما أدراك ما شاعر المليون يعني أمانة خلصت مشاكلنا كلها مابقى إلا شاعر المليون انا ادري انه ناصر أنظلم بس طيب وبعدين
والله انه هالبرامج والقنوات ماتسوي ولا شي غير أنها تخلفنا وتزيد النعرات القبلية
وبعدين اللي يصوتون لهالبرامج إذا فلوسهم مضايقتهم ترى في ناس محتاجينها يعطيها للمحتاجين ويكسب أجر أحسن له
وبقول شي لعيال القبايل إذا تبي ترفع رأس قبيلتك تعلم وحقق شي يرفع رأسها صدق >>الكلام موجه للجنسين
قال تعالى(ياأيها الذين امنوا لا يسخر قوم من قوم عسى أن يكونو خير منهم ولا نساء من نساء عسى أن يكن خيرا منهن ولا تلمزوا أنفسكم ولاتنابزوا بالألقاب بئس الاسم الفسوق بعد الإيمان ومن لم يتب فأولئك هم الظالمون)
وبس عارفه اني طولت بس حبيت أطلع اللي في قلبي واتمنى تشاركوني بأرائكم بس بدون تجريح:27::27:
life is a moment @life_is_a_moment
عضوة جديدة
يلزم عليك تسجيل الدخول أولًا لكتابة تعليق.
woroood15
•
تسلمين يالغلا
الصفحة الأخيرة