السلام عليكم ورحمة الله وبركاته

الله مستعاااااااان على بعض الردود !!!

قمة التناقض .. لافرق بين عربي واعجمي .. الاسود مايعيبه شي بس حرام تظلمين عيالك !!

يا بنااااات اتقو الله في ردودكم خصوصا اننا في هذا الشهر الفضيل .. واجعلو كلامكم حجة لكم مو عليكم يوم القيامة

الحين السواد صار عيب ؟؟ شفت بنات مرو بنفس مشكلتها ..اللي قالت تقدم لي قصير واللي قالت تقدم لي كبير وفي الغالب اشوف البنات يقولون

الرجال مخابر .. اهم شي اخلاقه .. ومن هالكلام ..بس سبحان الله لانه اسود ثلاث ارباع الردود اتفقو على رأي واحد !!!

طيب يا حلوين انتم نفسكم كاملين ؟؟اللي تعاني من التشققات واللي تعاني من السيلولايت واللي من السمنه المفرطه يعني محد فيكم كامل

غير كذا بصراحه ضحكتوني بكلامكم "قال ايش تظلمين عيالك معاك " حسستوني ان عرقكم ابيض صافي وعيونكم زرق

على كذا ما نلوم اليهود والكفار على عنصريتهم وتعذيب الامريكيين قبل كم سنة للسود اذا كانت هاذي عقليات بنات المسلمين للاسف!!!!

بالنسبه لصاحبة الموضوع ..مثل ما قالو بعض الاخوات استخيري ..غير كذا لو تشوفيه نظره شرعية يكون احسن

لانك وقتها بتعرفين اذا تقدرين تتقبليه ولا لا .. اختي قد تقدم لها قبل كذا واحد طويل ومملوح وابيض بس من اسلوبه حسّت انه مغرور

ونفسه في خشمه وما ارتاحت له ابد وفي النهاية رفضته وسبحان الله في النهاية طلع جاحد ناس 15000ريال ونصاب يعني خيره

لا بياضه ولا وسامته نفعته ! بالمقابل زوج خالتي الله يرحمه كان قمة في الاخلاق وحنون لدرجة ان كل حريم عايلتنا كانو يحسدون خالتي عليه

ومن اخلاقه صرنا نشوفه حلو بعيوننا حتى كنا نقول ماشاء الله عليه مملوح ..ونفس الشي ولد خالة امي عنده ولدين

واحد فيهم ابيض حلو امه طايره فيه بس كان طايش ومغرور ومحد يطيقه والثاني كان غامق بس خلوق وخدوم وطيب

وصار البنات اللي في العايله طايحين عليه لانه من كثر ماهو خلوق فرض احترامه علينا حتى كنت اعرف وحده من بياضها نسميها المصريه

كانت مااااره معجبه فيه من كثر ماشافت كيف انا وخواتي وامي نمدحه

انا ما اقول لك لازم توافقين عليه لان في النهاية الامر راجع لك واهم شي انك تتقبيليه نفسيا سواء كان ابيض او اسود !!

بس انا حبيت افتّح عينك و اوسع نظرتك اكثر عشان اذا جيتي تحكمي على شخص الافضل ما يكون من لونه

و أسأل الله ان يوفقك لما يحبه ويرضاه ويفرج عليك همك عاجلا غير آجلا

استخيري والله يكتب الي في الخير

بعدين الموضوع حسب نفسيتك انتي متقبله الوضع او لا

استخيري ومرره ثانيه لاتستشيرين بنات المنتدى لان اغلبيتهم مو مؤهلات اذا الانسان دين وخلق ومال على طول استخيري ووكلي امرك لله والله يختارلك الاصلح


عمر السواد ماكطان عيب والي تقول بس همكم الزواج ايوا بس همنا الزواج عمرها 29 وينه ذا الابيض الي الحين ماجاء ؟؟؟؟

نصيحتي لك ولمصلحتك اسالوا عنه واستخيري

وعلى فكره اغلب الردود من متزوجات يعني ماراح يحسون فيك

بشطح عن موضوعك
طيب ليش الرجال السمر و السود ما ياخذون بنات زيهم
يعنو لو راحوا تزوجوا لمبات و بيض
البنات السمرا و السودا مين يتزوجها
صراحه فيه انانيه بالموضوع من جانب الرجال و اهلهم
و البنات السمراوات و الغامقات عنسوا بسبب هالرجال
اللي يلحقون و رى البياض
و طبعا مافي اي رجال ابيض بيقول بتزوج و حده سمرا او سوده
كفه الميزان غير راجحه ابدا
و المجتمع ظلم هالفئه من البنات اللي ماعاد احد يبيهم حتى اللي من اهلهم
لكن الله من فوق
و انتي يا صاحبه الموضوع الله يوفقك و ماعندي غير اللي قلته