وافقي وانتِ مغمضه .. أهم شيء اخلاقه ودينه وطيبة قلبه


^
^
^
صح لسانك .. كثر الطلاق والسبب .. الطيش والعقل اللي مافيه تفاهم "الأسلوب الفاشل بالتعامل" ..البنت أعقل من الشاب لان هو بإستطاعته أنه يطلع متى مابغى ..

الله يوووفقك .. تحياتي :27:

انا طول عمري كنت اتمنى انو زوجي يكون مش كبير كتير و الحمد لله الله رزقني اكبر مني بسنتين و اربع شهور بس
مشان هيك ما بعرف شو الافضل . تحياتي و تمنياتي بالتوفيق ......:)

شكراً عزيزتي في 99 لأنج موافقتني على كلامي ، ومثل ما شفتوا أغلب البنات اللي متزوجين
بأزواج أكبر منهم في السن بفارق كبير مرتاحين والحمدلله الله لا يغير علينا .
مع إني دلوعة أهلي ووايد يدللوني لكن والله شفت دلع من زوجي وحنان ما شفته من قبل
ويعزني ويقدرني ويراعي فارق العمر اللي بينا ويطوف لي كل الهفوات ويعلمني كل اللي
ما أعرفه في الدنيا لأنه أكبر مني وأعرف مني بالدنيا ، ولا يصرخ علي وإذا عصب حده
يطالعني بعينه نظرة حادة ، مب مثل شباب ها الأيام يصرخ على الوحدة ولا يراعيها وعادي
حتى يسبها ولا على أقل القليل يرجعها بيت أبوها ودايم يهدد بالطلاق لأنه مراهق ، وما يعرف
المسئولية ولا يعرف أن الطلاق خراب بيوت ودمار وخاصة للحرمة .
هذا الرأيي الخاص أتمنى عزيزتي إنج إذا تأكدتي من صلاح أخلاق الشخص المتقدم اليك
إن تستخيري فالخيرة فيما أختاره الله وبعدين تتوكلي على الله .
وتمنياتي لك بالتوفيق .

أم عــــــيـــــــــون فــــــتـــــــــانـــــــــــــة

صراحه اقولها وبكل اسف انا وزوجي كبر بعض تزوجنا اعمارنا22

لاكن دايم يسوي نفسه كبير مره لايمزح ولا شيء ويكثر من السكوت والصمت

كل شيء ينتقده يتكلم بصوت منخفض

كل شيء يقول اكره الانسان العاطفي اكره الانسان كثير الكلام اكره الضحك اكره ..................

.......... والله من جد ماني امزح انا لاانكر انه يحبني لاكن بعض الاحيان ممل جدا فانا عكسه

كثير الانتقاد اتوقع الناس يقولو اف وش هل حض كبر بعض اكيد متفاهيمين ...الخ من التحليل

على فكره // يكره الكماليات // يكره التعب والتفنن في السفره .

اف والله ايام اتمنى اني متزوجه واحد اكبر 12 سنه عشان يد لعني ويتدلع علي

انا استغرب شيء واحد انه عاش مرفه جدا جدا حيث والده وكيل اماره مميز وشيك

واهله دلع جدا جدا وامه واخواته .

اما هو لما تشوفيه تحسي العكس . ليس شكله حوسه لا لاكن تحسي ما بين فيه النعيم.
+ طالب اففففففففففففففففففففف ف

سلااااااااام خواتي
انا فرق بيني و بين زوجي 5سنين بس احس الفرق مناسب وايد و كنت اتمنى ان ما يزيد الفرق عن هالحد ، آنا22و هو27صار لنا سنة وشهرين متزوجين ، و اتدلع عليه :32: عادي و هو يدللني و وايد يهتم فيني و حنون و عطوف علي، الحمد لله:27: مو شرط يعني اذا الزوج اكبر يدللك اكثر، آنا اشوف العكس لأن صديقتي زوجها اكبر منها ب11سنة و تقول انه في تباعد في الأفكار بينهم و احسها من تزوجت كبرت 10سنين، على العموم كل شي يعتمد على شخصية الريال، انتي لازم تجلسين و تتكلمين وياه حتى تقدرين تلمين بشخصيته و اذا حسيتي في تقارب في افكاركم و ارتحت لكلامة و متاكدة من اخلاقه و تدينه، ما في مانع و الله يوفقك و يجعل الخير من نصيبك :26: