حلا الشام :

أهلين أختي, أنا مجربته بالبيت وبالنادي وحسيته أكتر شي مفيد للأفخاد نحفهم بشكل كبيروصاروا مشدودين يعني حسيت بفرق بالقعل من هالناحية تحديدا...أنا وزني طبيعي بس طماعة وبحب الرشاقة.. وكمان ممكن يكون مفيد للبطن اذا شفطي بطنك لجوا أثناء اللعب وقربتي لقدام شوي. بس نصيحة لما بدك تشتري اختاريه يكون مقعده عريض لأنه اذا كان مقعده صغير بصير مزعج بالجلوس واذا حبيتي يكون بحرك عضلات اليدين في انواع فيها تحريك لليدين بنفس الوقت مع الرجلين بس أنا ما بفضلها بحسها ما بتريح الظهر ما بعرف ليش! اذا كانت ميزانيتك مفتوحة فنصيحة اشتريه يكونه اله سنادة للظهر (جربته بالنادي وما عاد عجبني يلي عندي بالبيت) لأنه مريح جدا للظهر وممكن تلعبي عليه فترة طويلة بينما الجهاز البيتي بحس انه غير مريح بالجلوس يعني يادوب 10 دقايق وبقوم لذلك اذا حابة فعلا تشتري خليه يكون نوع منيح والا رح ترميه لاحقا...أما بالنسبة لجهاز المشي أنا كمان أحيانا بحس مفاصلي مو مرتاحة فيه مو متل المشي العادي وانشالله كون أفدتك حبيبتي :)

أهلين أختي, أنا مجربته بالبيت وبالنادي وحسيته أكتر شي مفيد للأفخاد نحفهم بشكل كبيروصاروا مشدودين...