إذا جيت اشتري شباصة كأني ابشتري قطعة ارض !!

بنات انا انسانة مهتمة الى ابعد حد بأناقتي وانفق ببذخ غير طبيعي والميزانية اللي استهلكها على مشترياتي غيري اشترى فيها اراضي وبيوت ( الكلام هذا مو للفشخرة لكن علشان تستبعدون من مخكم اني بخيلة او حريصة على الفلوس )

مشكلتي اني مترددة في الشراء بشكل غير طبيعي يعني لايمكن ومن سابع المستحيلات ادخل محل واشتري اللي ابغى من اول مره ولا من ثاني ولا من ثالث مره حتى ,, لابد اسوي جولة كاملة بالسوق واقارن بين بضاعة كل محل وحتى ان شفت شي اعجبني اقول في نفسي لا يمكن القى احلى منه في محل ثاني وهكذا تضيع مني الساعات وانا افرفر بهالأسواق علشان اشتري حاجة بسيطة ..

اليوم كنت مرتبة اموري اطلع السوق اشتري ساعة تصدقون طلعت من المغرب ومارجعت إلا بعد اربع ساعات والمشكلة اني اشتريت الساعة اللي شفتها اول نصف ساعة من دخلتي !!

والله لما اتسوق مع قريباتي او صديقاتي اهنيهم تدخل الوحدة وتشوف الشي اللي يعجبها تدفع الفلوس وتطلع فيه ببساطة وانا استهلك وقتي وجهدي بتفكير ماله داعي

ماادري وش حكاية التردد هذي وهل لها علاج ؟ ومن تعاني مثلي من هالتردد ؟