إذا حابة تكونين مميزة بتقديمج للعصير تعالي شوفي طريقتي وبالخطوات المصورة..
المقادير:
توت "أنا استخدمت نوعين "
فراولة
مانجو
ماء بارد جدا
سكر
ايس كريم "أي نكهة بس يفضل فانيليا عشان تناسق الألوان"
صوص فراولة
فستق مجروش خشن
"لكل كوب فواكة مثلجة نحتاج ما بين 1/2 إلى 3/4 الكوب ماء و 1/4 كوب سكر <<< طبعا الحلاة على كيفكم انتو تقللون أو تزيدون..
هذا التوت النوع الاول..
وهذا التوت النوع الثاني..
الطريقة:
بالخلاط الكهربائي اخلطي المانجو المثلجة مع الماء والسكر وخليه يكون ثقيل نسبيا "كثيف" شوفي الصور..
وصبيه بالأكواب الطويلة كقاعدة أولية لأنه ثقيل بهالطريقة..
والحين نخلط الفراولة مع الماء والسكر و شوفي شلون ثقيل وينزل بطىء "كثيف" بهالطريقة..
نخلط التوت مع الماء والسكر وخليه بعد ثقيل "كثيف " شوفي الصور..
يتبــــــــع..
حطي كرة ايس كريم عليه شوي شوي عشان ما تختلط مع العصير وتخربه بهالطريقة "طبعا خليته ثقيل عشان يتحمل الايس كريم والفشتق وينزلون تحت"..
وهذا بعد التزين بالفستق..
وهذي الصورة توضح الطبقات وألوانها روعة ، وشلون ما تختلط مع بعض لانها ثقيلة ولذيذة يمـــــــــــــي ولا تنسين تقدمين ملعقة..
وهذا بعد التزيين بصوص الفراولة والفستق..
وهذا مزين بكم حبة توت وورقة نعناع طازج بدون ايس كريم..
وهذا الشكل النهائي طبعا هذا للبيت فالاكواب مشكلة أما إذا ضيوف لازم طقم كامل <<< صج والله لهدرجة ما نفهم :22: ..
شــــــــــــــــــــرايكم بطريقتي حلوة :42: ،وانتظر تجربتكم ، وأي سؤال أنا حاضرة. ..
دعواتكم لوالدي "أمي وأبوي" بالصحة والعافية وطول العمر ويفرح قلبهم فينا "عيالهم" ،ولي بالزوج الصالح اللي يفرح قلبي آمــــــــــين..