إذا زوجك في ضائئقة مالية هل تبيعي ذهبك عشانه؟ارجو التفاعل للاهمية

بسم الله الرحمن الرحيم
اولا كلنا نعرف ان الحياة الزوجيه مبداها التكافل والتعاون ولامانع ان تشارك الزوجة مع زوجها في المور الماديه خاصة في هذا الزمن الصعب بس إذا كان الزوج اصلا من النوع الحريص جدا وما اقول البخيل لان هذا موضوع ثاني بس اقصد الزوج اللي يشوف ان طلبات ازوجة من ملابس وعطور ومكياج والمجاملات الاجتماعية مثل هدية لعروس او والدة ...نوع من الترف وعليها الاقتصاد لامور اهم منها اذا كان زوجك من هالنوع وصارت عليه ضائقة مادية وانتي ماعندك الاذهبك هل تبيعية وتعطيه ؟
بصراحة هذا هو وضعي الان والحقيقة اني من يوم ماتزوجت لي تسع سنين وهو يحسسني انه في ضائقة مادية شديييدة مرة اقساط سيارة ومرة قرض او جمعيه او سلفه ...........الخ وبالتالي ماقد حسيت ابدا منه عطاء تجاهي في الجانب المادي وبالرغم من اني اشاركه في مصروف البيت وعيالي وبناء البيت وغيره ..وحتى لما المح له باني احب احس انه يصرف علي او يهديني حتى لو شي بسيييط بس احس انه منه لي .. يزعل ويكرر انا مديون مزنوق قدري وضعي الخخخخخخخخخ
الان هو في ضيقة مادية شديدة والديانه على راسه يوميا اتصالات ونفسيته بدات تتعب من هالشي واحس بتانيب ضمير تجاهه فاتحته في الموضوع قلت له انا مستعده ابيع ذهبي وتسدد ديونك بس اوعدني انك اول ماتلاقي فرصه ترجعلي ثمنه حتى اشتري غيره ولو بعد سنين"بصراحة انا قلت هالعبارة لاني سبق بعت جزءمن ذهبي واخذ ثمنه والى الان مجاب لي سيره حتى لو مجاملة انه يعوضني عنه"
"لو اتسلف من اي احد ما اخذ منك الله يغنيني عن ذهبك"
بايش تنصحوني يابنات والله اني محتاجه مشورتكم وماخاب من استشار واحب اقلكم للامانه ان زوجي قدر ولله الحمد يبني بيت ملك ويشتري سيارة خاصة في اقل من تسع سنين من زواجنا واعتبر هذا انجاز بالنسبة لغيرنا ولكن في نفس الوقت اخاف من اسلوبه معي وتجاهلة لاحتياجاتي المادية يعني تعود من بداية زواجنا ان حتى مصاريف علاجي على حسابي في البدايه من مكافاة الكليه وبعدها من المصروف اللي يعطيني "500 ريال كان يعطيني اياها بعد ماخلصت الكلية وانقطعت المكافاة بس كان كل شي منها " ثم من راتبي ..
اتمنى تكونوا فهمتوني احس اني طولت عليكم