ماأبي باكر بدونه @maaby_bakr_bdonh
عضوة جديدة
إذا زوجي طلع أكلم حبيبي!
السلام عليكم ورحمة الله،
مشكلة أغلب النساء و أنا أولهم كثرة طلعة الزوج!
هو يوسع صدره و أنا جالسه بين أربع جدران طفشانه ..
لمّا عرفت وين سعادتي و ماراح أنتظر من زوجي شي ،
لقيت صدق اللي يسمع لي و أبكي له و أشكي له .. و يوسع صدري ..
و الله .. أحبه أكثر من كل الدنيا ..
يكفيني بس إنو مايخليني و أنا في عز حاجتي له ،
قبل لمّا زوجي يطلع كنت أطفش و أتضايق،
بس خلاص ماعاد تفرق معاي ..
عرفت وين ألاقي راحتي و أشتريها!
هو ينبسط حتى أنا أبي أنبسط مو حرام،
إلى متى قبل يطلع زوجي أقول له متى ترجع أو لا تطلع أو وش رايك نطلع كلنا!
لابّد من الملل من هالروتين و أنا ملييييت حتى لقيت حبيبي،
و في كل مرّه أقول لحبيبي:
(اللهم إني أستودعك زوجي و قلبه و لسانه و سمعه و بصره فأحفظها لي يامن لاتضيع الودائع)
و بس!
و أرتاح نفسياً و معنوياً و رّبي حبيبي يشرح صدري،
بس أهم شيء أستودعه ربي من كل شي حرام من تجمعات الإستراحه،
و من كل شر ..
إستودعوه أزواجكن راح ترتاحون نفسياً و من جد،
و إذا على الفراغ كلنا نمر فيه مو أنتي لوحدك،
49
10K
يلزم عليك تسجيل الدخول أولًا لكتابة تعليق.
لصبري حدود
•
الله يجزاك خير
جزاك الله خير (اللهم إني أستودعك زوجي و قلبه و لسانه و سمعه و بصره فأحفظها لي يامن لاتضيع الودائع)
الصفحة الأخيرة