إذا ضربك زوجك واعتذر تسامحينه

يمكن ارضى لو هو خلوق ومحترم وسوى كذا وقت زعل
بس اكيد مابرضى بسهوله واخليه يحلف مايكررها ولايتعود على مده اليد
انا انسانه لي احترامي
ليش يحذفني باي شيء عنده

ماله داعي تروحي عند اهلك بس فهميه ان مايعيدها والله يصلح الحال

الله يهديه ويصبره على فراق والدته
اكيد الوحده فيناما بتحب الاهانه باشكالها
ربي يسخره الك ويريح بالكم

.
شوفي ضربك بفنجان وكان معصب اكيد اهم شي اعتذر وضرب مو شين
بتسامحين


اما فنجان واعتذر واضح انه مايقصد

دام السالفه حاره مابردت
خذي زوجك على جنب وبهدوء وروقان وتناقشي معه وقولي له احنا ناس كبار ونعرف الصح والغلط مسألة انك تحذفني بأقرب شي بيدك عشان تسكتني بدون تفكير ماهقيتها منك ولا طرت علي وما اقبلها منك يمكن تروح عيني او ينجرح راسي او تصير مصيبه ومو على اقل واتفه شي الواحد ينفعل وطلعي اللي بخاطرك عشان تنهين الموضوع وتبردين قلبك وتقفلينه وما يبقى حسره بقلبك ويخرب حياتك .
ونصيحتي لك انتي كزوجه تعلمي كيف تضبطين اعصابك وتعلمي متى تنسحبين من النقاش ومتى تسلكين وتسايرين مو كل النقاشات لازم تطلعين فيها منتصره ولا كل سالفه لازم تستقعدين فيها وتجادلين ثم ترتفع الاصوات ويدخل الشيطان بينكم وفي ثواني يحصل مالا يحمد عقباه .
اذا انتي عارفه وخابره زوجك مضغوط نفسياً بعد وفاة والدته الله يرحمها راعي هذا الشي لان الانسان مو كل يوم يكون معك في افضل حالاته ويعطيك على جوك ومزاجك ويمشي ويفوت دايماً .
امسكي العصايه من النص لا تستقعدين على كل شي لحد الاستفزاز والغضب ورفع الصوت والجدال العقيم وبرضو لا تتساهلين وتتنازلين لحد التفريط بحقوقك وكيانك وانسانيتك ..


وتذكري ان الانسان غير كامل ومثل هذي الامور والخلافات والزلات تحصل بين الازواج والشيطان حاضر اعوذ بالله منه


ومثل مايقولون الاعتذار من شيم الكبار ، وزله وحده ماتهدم حياه كامله ولا تنسف حسنات كثير .


سامحيه وخذي اللي حصل درس تتعلمين منه للمستقبل