إذا طاح الجمل !

بنات أنا توني طالعة من طلاق بعد زواج كله مشاكل من بدأ حتى انتهى لأن الزوج أصلا ما كان ناوي الزواج يستمر لأنه مجرد تأديب لزوجته
المهم
أختي قالت لي إنك لو كنت أضعف مع زوجك يمكن ما انتهى حالك بالطلاق
وقبيت عليها وتهاوشت معها
قلت لها أولا إذا فيه شي احتاجه منك الآن هو دعمك ومواساتك .. اللوم خليه بعدين
ثانيا الوضع الطبيعي إن أي زوجين يتعاملون مع بعضهم باحترام
هذا أهم شي بالحياة الزوجية وأي شي ثاني ممكن التغاضي عنه والصبر عليه وممكن ترقعينه بعد من عندك إذا فيه مجال
وإنت زي ما شفتي لأن زوجي قصر وما أثث بيتي أنا حطيت من جيبي وبدأت ءأثث مع إنه واجبه ومن حقي يدخلني بيتي وهو مأثث ولو ما يقدر المفروض ما تزوج وفتح بيت ثاني
ومو من حقه يكسر خاطري من بداية زواجي ويسحب علي بالأيام عشان يروح يرضى زوجته
ولا من حقه يعاملني بجفا وهو اللي وهقني في هالزواج وانا ما غلطت في حقه ولا أمداه يشوف شري من خيري
ومع هذا تغاضيت وحاولت أحتوي وأطنش بس هو لأنه أساسا بايع ونيته وصخة مستحيل كان بيبين شي بعينه
أنا كنت ضعيفة فعلا وخوفي من لومكم يا أهلي هو اللي خلاني أتغاضى عن أغلاط الرجال وقت الملكة وما أصر على اللي يحفظ حقي ويحميني وفي الأخير ثبت إن مخاوفي في محلها وحقي ضاع وانت جاية تلوميني الحين!
كيف يعني تبيني أصير ملطشة ينأخذ حقي وانسب وانشتم واسكت!
هذا أنا بسبب لومكم وآراءكم التعبانة رجعت وهو ضاربني على وجهي وفي الآخر وش حصلت! ما أظن فيه ضعف أكثر من إني رجعت حتى بدون رضوة او اعتذار زي الناس 💔
وزعلت عليها ومعي حق
وش رأيكم