إذا عجبتكم الفكره بسويها ..

السلام عليكم ورحمة الله وبركاته
قولو:

اللهم صل وسلم على سيدنا محمد وعلى آله وصحبه وسلم


حبيباتي انا لفيت على كذا منتدى وشفت بعض الأفكار لتعلم اللغة

وبعدين مخمخت عدل وقلبتها يمين شما ل وقلت ليش ماأسوي شي يفيدني والبنات بإذن الله

الفكره اني اسوي درس اسبوعي بس مايكون ممل

يكون كل درس عباره عن حصص مختلفه يعني خليط من الكتابة والكلمات والاستماع والقرامر والقراءة
بشكل منظم ومترابط عشان مايكون ملل ويكون فيه شوية تغيير في الأفكار والأسلوب

وكل درس ياخذ اسبوع كامل دراسه ومراجعه عشان تثبت المعلومات عندكم


اتخيلو عقب كم من اسبوع الحصيله اللغويه كيف بتكون بإذن الله ؟!!!

شرايكم انا قلت يمكن اسويها واتعب ومحد يهتم فقلت اقترح الفكره عليكم وإذا لقيت منكم اهتمام

ابتديت فيها على بركة الله ..

وحبيت اقولكم انا مب متخصصه باللغه انا قاعده اتسلى عليها حالي حالكم بس لأني احبها ...

والا انا تخصصي شرق وتخصص اللغة الانجليزيه غرب فلا تتوقعون اني بلبل والا فنتك في اللغة ..

هذي فكرتي وبتريا كم يوم اشوف اذا في اهتمام كان بها
مالقيت اهتمام الموضوع بيروح ادراج الرياح إلى الصفحات التاليه

ودمتم بخير ..