حبيباتي انا طالبة انتساب المستوى الثالث بس معتذرة الفصل هذا لظروف خاصة
متزوجة وعندي اطفال وماعندي خادمة بصراحة الدراسة يبغالها مجهود ودعاء وصبر
انا الحمد لله عديت السنة التحضيرية وطريقتي كانت اني مااذاكر الين قرب الاختبارات واسبوع الاختبار زوجي مايقصر الله يخليه لنا يريحني من كل اعمال البيت الطبخ من برة والغسيل الضروري فقط والكوي برة وشغل البيت على بنتي الكبيرة الله يحفظها هي في المتوسط لكن ماشاء الله سنعة وتشيل بيت والحمد لله وزوجي يدعيلي دائما حتى وانا في الطريق رايحة الجامعة معاه وبالرسائل
لكن نصيحة مني لاتخلوا المذاكرة قرب الاختبار تراه جدا متعب وحاولي تنظمي نفسك وتذاكري اول باول عشان ماتتعبي وقت الاختبار وانا ان شاء الله حااحاول اني اذاكر اول باول
وتنبيه لاتعلقي دراستك ونجاحك بالخادمة واتوكلي على الله ولاتنسي اذكار النوم
واسفة على الاطالة وادعوووووووووووووووووووووووووولي

جزاك الله كل خير موضوع قيم

السلام عليكم ورحمة الله
انا مستوى اول انتساب مطور بجامعة فيصل واختبارتنا بعد اسبوعين الله يوفقنا يارب
عني انا متزوجه وعندي ثلاثة اولاد الله يحفظهم
بس مااحس بتعب كبير الحمد لله خصوصا انه عندي شغاله قايمه بالبيت... اولادي في المدارس ثالث أبتدائي واول ابتدائي وزوجي نظامه شفتات ....يعني ماعندي اشغال الا اني اطبخ غداهم وادرس عيالي ....يعني عندي وقت فراغ كبير وبالعكس جدا مبسوطه بالدراسه واحس اني اشغلت وقت فراغي بشيء مفيد خصوصا اني قبل كنت اقضي وقت فراغي كله جالسه عالنت وخصوصا منتدى حواء حبيب قلبي لكن بعد ماسجلت بالجامعه اغلب وقتي اسمع محاضرات واطبع واذاكر ماعندي وقت حتى اني اتصفح النت واذا بدخل نت تحصلوني في ملتقى الجامعه مبلطه هناك ههههه ....ومنتدى حواء هذا اول دخول لي من بعد ماسجلت في الجامعه وزي ماتشوفون على طول على قسم الطالبات !!!!1هستيريا الدراسه هههههه
وانا دخلت تخصص تربية خاصه وهالتخصص حلو وسهل وممتع
والله يسهل امورنا يارب ادعولنا
وموفقين يارب

انا اول سنه تحضيري وماتتخيلون كيف حايسه ..

اتوقع يبغالي وقت عشان اندمج وانظم وقتي لان لي فترة عن الدراسه..

وبالنسبه للبيت بصراحه هذا الشي مضايقني وانا اكثر همي على بنتي صايره مهمله فيها هالفترة عشان فترة الامتحانات قربت.

دعواتكم

فووووووووووووووووق والله يوفقكم جميعاً ويبيض وجيهكم بالنتايج الحلوه إللي تفرحكم