انا اهجدة بسمن فارم قبل الترويش وبعدين اغسلة واشدة ويجي ناعم من قدام ومن الخلف مهجد جربي وقولي لي رايك

إذا شعرج مجعد حده ما لج إلا الفرد .. أما إذا بس مشوش عليج بالأتي :
1. أغسليه بشامبو مخصوص لتنعيم الشعر مثل هيد أندشولدرز لشعر حريري أو دووف أو شامبو العسل من البودي شوب .
2. حطي عليه وهو مبلول كريم والحين نازل كريم فروكتيز اللي بالفواكة الأخضر تعرفينه اللي فيه منه شامبو وصبغات إذا ما عرفتيه بحاول أحط لج صورته لفرد الشعر مكتوب علية دقيقة واحدة وبعد خمس استعمالات يصير ناعم ..وعندج بعد كريم فاشكول اللي بالجزر ..
3. نشفي شعرج بالفوطة وحطي عليه سيرم كريستال بطبقة خفيفة جدا..أو أي سيرم بس أحلى شي كريستال.
4. سشوري شعرج .تدربي على استخدام سيشوار الصالونات مع الفرشاة .وطريقته سهلة بس بتتعبين في البداية وبعدين بتصيرين خبيرة مثلي. قسمي شعرج خصل وابدي من تحت . لفي الفرشاة على كل خصلة وحطي السشوار عليها وبعدين اسحبي الفرشاة شوي مع تركيز الهواء على الشعر لين توصلين لطرف الخصلة خلي نهايةالخصلة ملفوفة على الفرشاة شوي وهي حارة وبعدين أفتحيها طبعا راح تحصلين على أملس وملفوف من الأطراف.
5. بعد السشوار لمي شعرج ببكلة .
6. حطي في يدج شوي سيرم وامسحي على شعرج .
7. دايما حاولي تخلين شعرج ملموم إذا زوجك مب في البيت هذه نصيحة قا لتها لي كوافيرة شاطرة.
8. وطبعا لاتنسين العناية الأسبوعية من حمام زيت وتدليك يومي لفروة الراس علشان الزيوت اللي في الشعر تطلع وتلبد الشوشة .
9. استخدمي شباصات وبكل شكلها حلو وجذاب ودايما فكري في التسريحات اللي تناسب شعرج وتخليه مرتب .
نسيت أقولج قصي أطراف شعرج كل شهرين على الأقل . وإن شاء الله قدرت أفيدج بشي ..

نفس الحاله

بس صرت اسويه كيرلي بكريم باراشوت ...امليه كريم بعدين فككيه بااصابعك

واحيانا استشوره

الفرد انسيه لاتفكرين فيه ترا بيعدم شعرك وبيخلي منظره غير صحي واطرافه واقفه كأن ماكلتها نار

وبعدين بتندمين اشد الندم ...زي بنات كثيييير اعرفهم

زييتيه ...واستخدمي حمام زيت ...وكريم باراشوت تراه راااااااااائع

بالتوفيق

الله يخليكم التمليس واليوكو يعدم الشعر لا تقربون منه خير شر

الله يوفقكم ويسعدكم
ويهجد شوشكم..........××××××

لاعن جد اسعدتوني بردودكم وتجاربكم
نطمع في مزيد من التجارب والافكار......الشوش طيرت عنا حتى الافكااااااااار
وعلى فكرة ...........
شعري قصير ومو خشن بس متعبني الالاازم سيشوااااااااار
وابغى كذا طريقة لتسريحه خاصة بالبيت والله افدتوني بس حابة نستفيد اكثر
والبنات كلهم الي نفس حالتي
مشكورين عساكم ع القوة