الكثير الكثير تكلم عن موضوع الحجاب والعبايات اللي طلعت بالآونه الأخيره ..
أو عفواً أخطأت بكلمة " العبايات " وهي أقرب للفساتين .. فعلاً !
مؤلم فعلاً ..
إذا كانت البنت والحرمه نفسها ما همها هالشي , نقول قدر عليها الشيطان وصارت عميله من عملائه اللي يجرون الكثير من شبابنا للحرام
لكن اللي يقهر , وفعلاً يقهر ..
وسؤال يدور ببالي كثير ..
كيف , الأب و الزوج و الإبن , يسمحون لـ زوجاتهم وأخواتهم وبناتهم يطلعون بهالطريقة
كـيف !!!!
وين الغيره ؟
وإلا راحت مع الببسي اللي ياما وياما نبهونا إن يحتوي على " الخنزير " ومعروف إيش يسوي هالحيوان ..
ومعروف ليش حـُرم ؟
لإنه يميت الغيره في المسلمين ..
وهالشي شفناه في نموذج الغرب اللي بدأوا بأكله في قرون قريبه مع أنهم من خلال تاريخهم كان عندهم نوعاً ما من الاحترام ومقاومة الشهوه
لكن شوفوا جيلهم والجيل اللي بعده إيش صاروا ..
مجتمع قائم على " الرأس ماليه + الجنس ماليه "
لكن بمجتعمنا فعلاً ودي أروح لكل أب ولكل أخو ولكن إبن .. وأسألهم كيف ترضون ؟ كيف ساكتين ؟
والله إني أشوف حريم كبار يتفننون بلبس العباءات المزركشه والمخصرة , لا والحوامل يفصلون تفصيل عباية مزخرفه للحامل
ويشهد ربي إنها أقرب للجلابيه ..
وتوصف الجسم بشكل ملفت للنظر ..
يا أخوات أنا بموقف أقول فيه هذا حرام وإلا حلال , خلاص هالشي معروف ..
بس ليه هالتساهل ..؟
تقولين شبابنا تطور وصار يفهم ومثقف , ! معليش مع نفسك !!!
كل فترة ماسكين مجموعه دعارة بشقه مفروشه !!
إيش دخل التطور أساساً ! إيش خص الثقافه ! .. هذي شهوه .. شهوه يا أخوات
إذا ما سيطرنا عليها صرنا بهايم .. عارفين يعني إيش بهايم .. يعني بدون عقول .. بدون تفكير ..
والا محلات العبايات .. أوف أوف أوف وربي لو يسموها " محل العبايات لفساتين السهره " أصرف ..
أنا قبل فترة رحت محل عباية قلت أبي عباية إسلامية .., تعرفون من وين طلعها ؟
طلعها من درج في طرف المحلات فيه كراتين تنعد ع الاصابع .. هذي هي بس .. والباقي كله فساتين " على شكل عبايه "
وين الهيئة عنهم ؟ ليش ما تتحرك ؟ ليش يحلون المشاكل الفرعيه ويتركون الاساس ..
أبي أحد يوصل لهم كلامي ..
هالمحلات لازم يعاقب أصحابها ..
وهم عارفين عقابهم في الآخره لإنهم رجوا لـ الرذيله ..
حسبنا الله ونعم الوكيل ..
تكفون إرجعوا لربكم .. أوكي قلوبكم صافيه طيب الظاهر يبين شي ثاني ..
لا تقولي الاسلام والايمان بالقلب وأنا أصلي وأصوم ..
إيش الفايده وإنتي فتنتي شاب وإلا إثنين كل مره تطلعين ..؟
العين تزني وزناها النظر
ترضي تكوني زآنيه يا أختي .. ترضي ..
الله يخليك إتقي الله .. إتقي الله في نفسك .. وفي شباب هذه الامه ..
الامه ما راح تصلح إذا كان شبابها فاسد ..
