آآآآآآآآآآآآآآمين يارب


فووق

فله تعلب سله ..وينك حبيبتي
اليوم ماشفتك؟؟

بسم الله الرحمن الرحيم

اسمحولي اشارككم الخير ......... وأقص عليكم قصتي مع القران الكريم اللي حصلت لي من سنتين تقريبا

انا بنت جاني نصيبي لما كان عمري 22ونص بالضبط وملجت "يعني كتبنا الكتاب" وكل ماحددنا موعد لتلبيس الشبكه تصير ظروف ويتأجل المهم لبسنا الشبكه بعد عدة تأجيلات

وبعدها موعد العرس كل ماتحدد يتأجل إما بسببي انا او لان زوجي كان عنده ظروف وماقدرنا نحدد موعد للعرس ..... واخيرا تحدد موعد العرس بشهر 6هجري اول العطله الصيفيه

وفي ليله من الليالي حلمت حلم غريب وقعدت من النوم وانا عارفه بيصير شي كبير بس مادري شنو اهو!!!

وقصيت الحلم على زوجي واهلي واهل زوجي وقلت لهم انا عارفه ومتأكده انه بيصير شي والله يستر

محد اهتم كثري للحلم بس انا كنت بحالة ترقب كأني متأكده انه بيصير لنا شي

ودخل علينا شهر 9 شهر الصيام وفي نص الشهر انسجن زوجي ظلم وانفصل من وظيفته وكانت الادله كلها ضده مع انه مظلوم المهم قرر والدي من بعد ضغوط من الاقارب انه يطلقني منه وانا صليت الاستخاره .. وقلت الله يقدم اللي فيه الخير

طبعا الرجل وأهله رفضوا الطلاق واضطر والدي اللجوء للمحاكم ... وبعد سنه كامله تقريبا بالمحاكم تم الطلاق بشهر 8"شعبان" من بعد عقد زواج استمر سنتين من عمري مع ان الزوج كان رافض يطلق

وقضى الرجل بالسجن سنه اخرى يعني كمل سنتين وبعدها افرج عنه ... وبعد فتره قصيره توظف

انا في هذا الوقت دخلت معهد كومبيوتر وعرفت بنات ملتزمات ووحده منهم تحفظ القران وفي يوم جاني شعور غريب ورغبه قويه للحفظ ولو شيء بسيط من القران وقلت كل يوم باحفظ ايه وحده او اثنين اذا قدرت

وبديت بسورة البقره يوم الجمعه الظهر وقدرت احفظ نصف وجه على ما اذكر وبسرعه وكنت مصدومه من قدرتي على الحفظ وسكرت المصحف بعد ماتعلق قلبي فيه لدرجه ماتتصورونها وماقدرت اقعد تحت بس افكر بالقران وصرت اول مادخل الغرفه حتى لو ابي شي ثاني على طول للدرج اللي فيه القران .... وما مر يوم الجمعه الا وانا حافظه الوجه كامل

وثاني يوم بالكليه شفت البنت اللي تحفظ القران مستعجله.. سألتها::
وين رايحه؟؟ قالت:: عندي تسميع ........... وراحت

والله العظيم يابنات حسيت ان قلبي بيطير من مكانه ويروح وراها

وبس رجعت البيت قدرت احفظ وجهين يعني صفحه كامله وثاني يوم صفحه ونص والثالث صفحتين ........... يعني كانت عندي همه تكفي الديره كلها مادري من وين جتني !!!!


وكان اخر يوم للاسف يوم الخميس يعني كملت اسبوع .. حفظت فيه 6صفحات بدون ماعلم اي بشر...
بس كنت احفظ بدون تفسير ..... كانت تمر علي ايات ما اعرف شنو معناها بس كنت احفظها .. ولما صار الليل ماتحملت ,,علمت صديقتي وامي وبنت عمتي وهذا كان للاسف"" اخر يوم لي مع الحفظ ""..

وليلة الجمعه تحلمت حلم غريب,,, " حلمت بشخص انا اعرفه عدل بس من زمااااااااااااان عنه.... حلمت انه انسان ملتزم وله لحيه ((مع انه على خبري ماله لحيه وغير ملتزم انسان عادي)) وقاعد على الارض وفاتح المصحف امامه على مخده وتجلس امامه بنت صغيره لم ارى الا ظهرها بس الاكيد انها اخته او اختي انا .. كان يقرا لها سورة البقره ويفسر لها معانيها
وكان فيه ناس حواليه من اهله بس ماشفتهم بسبب الظلام ولم اهتم لهم ..وكان فيه نور قوي مسلط عليه هو والمصحف والبنت .........

واول ماقعدت من النوم حسيت احساس غريب
حسيت ان هذي رساله لي .. انه لازم اعرف تفسير سورة البقره.. بس ماعرفت المطلوب مني !! لازم احفظها واللا اقراها مع التفسير؟؟؟
وعرفت بل ايقنت ان رزقي وفرج همي مرتبط بسورة البقره

لكن تصوروا يابنات مافتحت القران بعدها......... حسيت انه شي ثقيل علي " استغفر الله"
الهمه اللي كنت احس فيها ماااااااتت وعشق القران تلااااااااشى بس في رمضان السنه الماضيه قريته وختمته وبسسسسسسسسسس
وشوفوا معاي الخبر الصدمه........ بعد الحلم تقريبا ب3شهور كلمتني صديقتي وجا طاري الشخص اللي حلمت فيه.. وقالتلي:: انه ملتزم من زمان ومطول اللحيه,,,,!! سبحان الله سبحان الله ((يعني اللي شفته حقيقه))!!!!!!!!!!


ورمضان السنه هذي للاسف ماقريت الا 3 او 4 صفحات من البقره فقططططططط واللي كنت حافظته انمسح من ذاكرتي طااااااااااار راااااح
والحلم صارله تقريبا سنتين الا قليل والى الان لم انفذ المطلوب مني

وانا حاسه ان رزقي والفرج على قراءة سورة البقره..........................

ونسيت اقولكم :::: قبل 4 شهور كان عرس طليقي وبعده بشهرين عرس اختي الصغيره

وانا الحين عمري 28 سنه .... وماجاني نصيب الى الآن وماجتني وظيفه الى الآن مع اني معاي بدل الشهاده.. شهادتين


واخيرا اخيرا لقيت من يشجعني على الاقدام والمواصله ...... واسمحولي اضيف اسمي معاكم

واعتذر من قلبي لكم عن الاطاله ........ كل هدفي افيد واستفيد
فيه جزء مهم جدا جدا حدث قبل طلاقي بشهر لم اذكره حتى ما طول عليكم.. اذا بتعرفونه ماعندي مانع اذكره

ولاتنسوني من دعواتكم لي ........... ربي يرزق كل من تمنت منكم الذريه الصالحه اللهم امين

اختكم ........ عنزروته:26:

افاااااااااااااااااااااااااااااااااا

مافيه تشجيع........ وين الناس!!!!!!!!

وربي انا بحاجة اي كلمه

حاولت اقرا البقره قبل يومين وماقدرت اكملها بقالي 8 صفحات ذبحني النعاس والارهاق ورحت نمت على طول كاني ماخذه ابرة مخدر

وين صاحبة الموضوع ماعاد بينت!!!!!!!!!!!!!!!!!!!!!!!!!!

عنزروته حبيبتي سبحان الله الحلم كان رسالة لك وجميع أمورنا لن تتحقق إلا بصدق اللجوء إلى الله والطمأنينه والتلذذ بعبادته ..

القرأن شفااااااء لكل داء سواء جسدي أو نفسي فواصلي القراءة والحفظ وحاولي تقسيمها لكي تنجزيها مثلاً الجزء الواحد 21وجه ضعي علامه واقرئي حتى تصلي إليه ثم وصلتي الجزء الثاني ضعي علامه وأقرئي حتى تصلي للجزء الثالث وهو قصييير مقارنة بالجزء الأول والثاني وكثرة القراءة والتكرار يكون الوقت قصير جداً لسورة البقرة...

اليوم خلصت البقرة وهو أول يوم لأني تعبت صحياً وماقدرت أدخل واقول ماقراتها حتى ماأكون محبطة للبنات وعنوان للتكاسل والله يقدرنا على فعل الخير وييسره لنا اجمعيييييييين...

روعة الصباح الف شكر لك

انا هالايام افكر ابدأ بقرأتها

منجد استفدت من كلامك وتشجعت كثير

الله يجعل كل كلمه نقراها في ميزان حسناتك