إرادتي أختفت فجأة!!! و الحل؟!

أسعد الله مساكم يا أحلى بنات

أنا و بأختصار كنت أعاني من السمنة من عمري 7 سنوات بسبب دلال أهلي لأني البنت الوحيدة.. طولي 152 سم و لما خلصت الثانوية كان وزني 70 ماشاءالله.
دخلت الجامعة و شفت البنات النحاف و الحلوات, و كيف يشترون أي ملابس نفسهم فيها بدون لا يقيسونها, كنت أتفادى غرف القياس لين ما يوم أجبروني أقيس ملابس. و كانت الطامة الكبرى, كرشي و شكلي مقررررررف أعوذ بالله
بعدين في يوم و ليلة قررت أخس, اتبعت ريجيم الوحدات, إرادتي كانت حديــــــد ماشاءالله و في سنة صرت 52 كيلو.. حافظت على وزني و تخرجت من الجامعة و الحمدلله زميلي خطبني و تزوجنا, حافظت على وزني حوالي 7 سنوات بسم الله ماشاءالله.. كنت قمة بالروعة و الرشاقة.. بس أول ما جبت بنتي وزني زاد.. الحين عمرها سنتين ووزني 60.. ادري بتقولون قليل بس مافي شي ما ملابسي مقاسي, المشكلة الوزن كله بالبطن لدرجة الناس تفكرني حامل مرة ثانية.. أنا ادري اني ممكن اخس بس يا بنات إرادتي أختفت!!! أسوي ريجيم يومين ثلاث بعدها تتبخر
حد عندها نصيحة لي ممكن أتبعها؟! أكون شاكرة لمن تقدر تفيدني والله متضايقة من بطني و اردافي