السلام عليكم
كتبت موضوعي وكلي أمل بعد الله أن وحدة تدخل وتفيدني
أنا أكتشفت أن عندي مرض ( السكري ) من شهر وشوي تقريباً مع إن أعراضه من زمااان مبينه معي بس كنت شاكة لحد م حللت صدفة وأكتشفته
كان عالي 277 صرف لي الدكتور حبوب وقال بعد شهر تعالي راجعيني وحللي ونشوف رحت قبل كم يوم ومازال 200 ويقول برضو عالي .. صراحة بدأت أقلق مع انه وراثه عندنا وأعرف كذا وحدة عندها السكر وعايشة وضعها طبيعي بدون حمية ولا نظام وماشاءالله مافيهم شي .. وأنا من قبل المرض مالي ف الحلا ولا السكريات كثييير وبعد المرض أنتبهت أكثرر وقطعتها نهااائي بس مازال مرتفع مدري ايش السبب الدكتور يقول يمكن لسى م اتعودتي ونظامك الغذائي غلط تكثري نشويات وسكريات وأنا مع الخوف مررره خففت مو زي قبل نشويات لدرجة نحفت مررره أكلي أغلبه سلطات واذا كثرت مررة ملعقتين أو ثلاث ( رز ) يعني م أكل دسم ولا شي ثقيل
فيه ناس تقول طبيعي بداية الأمر م ينتظم وبعدها عادي بس مدري نفسي أتناساه وأعيش طبيعي صراحة كنت أشوفه عادي ومرض زيه زي غيره لابد من التعايش معاه لحد م ربي بلاني فيه الحمدلله ع كل حال
صرف لي الدكتور حبوب 50000/20000 يقول كملي عليها وبعد شهر نشوف .. وعندي ضرس العقل لازم خلع والدكتورة رافضة تخلعه لحد م ينتظم السكر تقول لاسمح الله ممكن فيه خطورة عليك .. بالله لمتى أتحمل الألم ومتى ينتظم السكر
اللي عندها خلفية وخبرة تفيدني وهل الأمر عادي ولا أنا اللي متخوفه بزيادة
الله يبعده عنكم ويشفينا ويشفي مرضى المسلمين
ملَك إنسان @mlk_ansan_1
عضوة شرف في عالم حواء
يلزم عليك تسجيل الدخول أولًا لكتابة تعليق.
لمسات هادئه
•
ماعندي علم الله يشفيك ويعافيك ويمتع بدنك بالصحه والعااافيه
ماعندي علم الله يشفيك ويعافيك ويمتع بدنك بالصحه والعااافيهماعندي علم الله يشفيك ويعافيك ويمتع بدنك بالصحه والعااافيه
اللهم آمين
تانج
•
اسال الله لك الشفاء. بماانني اصبت بالسكر. فحابه ارد عليك. السكر صار زي الصداع منتشر بقووه فالحمدلله علي حسن قضاائه. شوفي حبيبتي.. خلي املك بالله كبير، وحاولي لاتعصبين ولاتحسسين نفسك انك مريضه انتي انسانه مافيك الا العافيه ومرضك له دواءوالحمدلله. شي ثاني مارسي الرياضه. امشي كل يوم نص ساعه.. الاكل خليه صحي. ..سلطه خضاار بالفرن. دجاج او لحم مسلووق. رز ابيض. خبز بر او نخاله او شعير، انصحك بخبز ريف حلوو وخفيف وطعمه لذيذ.. وتقدرين تاخذين كميه وتفرزنين.. وراح يظل السكر عاااالي يمكن 3 اشهر لين يتعود جسمك علي الدواء سواء تاخذين منظم او ابر انسولين.. ولو اخذتي ابر فااحتسبي الاجر واعلمي ان كل وخزه لك اجر ان شاءالله.،ضروري، تشربين ماء كثير وتمشين وماتجوعين لان مريض السكر مع الجوع يصير عصبي، وماتحرمي نفسك من الاكل وكولي شي تحبينه مره بالاسبوع زي الحلا، والكيك،، لاتكثرين معجنات.،سوي شوربه شوفان.،شوربه خضار، الطبخ بدون زيوت، حطي ملعقه بس لطبخ، الارز والمكرونه 5 ملاعق. قبل الوجبات كولي سلطه، خضار،، لازم منتجات الحليب والالبان قليله الدسم او منزوعه، ابتعدي، عن البشامل الجبن السايل، الاكلات الشعبيه هريس،، جريش،، كولي منهن بااعتدال بدون ماتكثرين مشنه ودهون،،ويبي لك وقت لين يرجع وزنك زي اول،جربي الحميه وان شاءالله تنفع معاكي،بالنسبه للمشروبات عادي،اشربي قهوه عربيه،،شاي بالنعناع بدون سكر او قللي بالتدريج،،حليب قليل الدسم،،زنجبيل اخضر،او مجفف،ليمون،قرفه ولاتكثرين لانها تسبب هبوط بمستوااءالسكر وايضاً شعورك بعدم الراحه والغثيان اذا كثرتي منها،،وبالنسبه لضرس العقل او اي عمليه لمريض السكر لازم السكر يكون منتظم..جلست 4 اشهر لين جاءم عدي وكنت اكل بروفين بالهبل والحمدلله خلعت ضرسين والله كنت ادعي،بكل وقت ان ربي يعجل بخلع ضرسي لاني تاازمت من الالم وخفت من المسكنات الي اخذهم وغير كذا وصل الالم معذ لااذني ووجههي اذا التهب الضرس مااقدر المسه،فالحمدلله.. واتمنا لك الشفاءالعاجل..وان شاءالله اكون افدتك،ونفسي يكون فيه تجمع لمريضات السكر نتعلم من بعض،ونتناقش ونخفف علي بعض#
تانج
•
نسيت اقول لك.،لازم يكون عندك جهاز لقياس السكر تقيسي مستوا السكر اول ماتصحين حتا تشوفي كم نسبه السكر بدمك قبل الفطور، اولما تكوني صايمه عن الاكل لمده 8 ساعات وان شاءالله تزين امورك،،، واذا علي خلع الضرس حاولي تزبطين السكر قبلها باسبوع بحدود 140او 120 بعدالاكل، وسوي تحليل لتراكمي حتا تشوفي كم كان مستوا السكر عندك كل 3شهور، وكل ماتذكر حاجه بااضيفها هنا ان شاءالله
تانج :
نسيت اقول لك.،لازم يكون عندك جهاز لقياس السكر تقيسي مستوا السكر اول ماتصحين حتا تشوفي كم نسبه السكر بدمك قبل الفطور، اولما تكوني صايمه عن الاكل لمده 8 ساعات وان شاءالله تزين امورك،،، واذا علي خلع الضرس حاولي تزبطين السكر قبلها باسبوع بحدود 140او 120 بعدالاكل، وسوي تحليل لتراكمي حتا تشوفي كم كان مستوا السكر عندك كل 3شهور، وكل ماتذكر حاجه بااضيفها هنا ان شاءاللهنسيت اقول لك.،لازم يكون عندك جهاز لقياس السكر تقيسي مستوا السكر اول ماتصحين حتا تشوفي كم نسبه...
ي شيخة الله يسعدك ويعطيك حتى يرضيك ويكتب أجرك من أجد أفدتيني وريحتيني .. أنا ع الحبوب وإن شاءالله م توصل للإبر واليوم أخذت جهاز قياس مستوى السكر .. ي ريت والله يكون فيه تجمع ونفيد ونستفيد
مشكورة حبيبتي ع الإفادة
مشكورة حبيبتي ع الإفادة
الصفحة الأخيرة