إزا بتعاني من سمار منطقة الإبط تفضلي الحل حبيبتي :)

السلام عليكم يا بنات حوا.. إن شاء الله تكونوا بخير :26:

كتير من البنات بعانوا من السمار في منطقة الإبط وفي كتير أسباب لهل مشكلة ممكن تلاقوها إزا دورتوا ع غوغل.. ومن الأسباب الرئيسية ( نوع مزيل العرق يلي بتستعمليه ) أنا الصراحة كبيتو وبطلت أستعملو كلو مواد كيميائية وبخرب البشرة.. هلأ بعمل مزيل عرق طبيعي وبطير العقل.. وإزا بدكم الطريقة تفضلوا:
(الطريقة أخدتها من بنت من واحد من المواقع.. والله دايماً عم بدعيلها.. الله يوفقها يا رب)..

أول شي بتحتاجي:
1. شبة.
2. ماء ورد.
3. كريم جليسوليد.

ملاحظات:
الشبة اشتريها مو مطحونة مشان ما حدا يغشك، أنا اشتريت مرة من المرات مطحونة وما نفعت حسيتها مو شبة أساساً.. ( في ناس غشاشة لإنو:024: ) اشتريها وهي متل الحجر.

هلأ كيف بتعملي المزيل:

اطحني الشبة منيح خليها كتير ناعمة متل البودرة.. مشان ما تضايقك لما تحطيها عل منطقة..
هلأ بالأول على طاولة نظيفة حطي كمية من كريم جليسوليد.. بعدين حطي فوقة شوية من البودرة واخلطيهم بطريقة الضغط والسحب ممكن بملعقة بطرفها المحدب.. بس تحسي انهم انخلطوا منيح.. ارجعي ضيفي شبه كمان (كل ما زودتي شبة كل ما كان أحسن.. هاد رأيي) ومية الورد ممكن تضيفيها خلال الخلط حسب كيف بدك قوام الخلطة.. مشان تشوفي إزا خلطتيهم منيح جربي بكمية صغيرة كتير ع إيدك إزا عملت تكتلات أو الشبة كانت كتير واضحة فلازم تخلطي أكتر أو الشبة مو مطحونة منيح..

قبل ما تحطي المزيل يلي عملتيه نظفي المنطقة (بنعومة مو فرك لا تفركي فرك رح تزيدي السمار:blink: )..

ولما تنظفي المنطقة من المزيل استعملي قطنة أو اسفنجة بيضا مشان تشوفي كيف صار لون الكريم وكيف الشبة امتصت السمار:2thmup: برجع بحكي ما تفركي فرك..

بنات ما تستعملوا هل خلطة عل منطقة الحساسة للتفتيح ما بعرف إزا بصير لإنو الشبة يمكن قوية عليها :11retcher هه أنا نبهت انتبهوا..

هي المشكلة بتصير مع كتير بنات مو شوي.. وعادي ممكن الواحد يتخلص منها يعني ما في داعي للخوف أبداً أبداً.

النتيجة ما رح تبين من أول يوم بدك تصبري لتشوفي الفرق.. إن شاء أكون أفدتكم حبيباتي :smheart:

ويا ريت تدعولي إنو الله يسهل أموري.. وشكراً إلكم، وأي سؤال أنا جاهزة:27: ..