ألأخت شوكولاته شكرا كثير إلك وبتمنى إني أكون عند حسن ظن الجميع
بالنسبه لسؤال الصديقه جمرة غضى:
أفضل كريم أساس للبشره المركبه هو كلينيك في عندهن كريم خصوصي اللي بيلايم أنواع البشره.
ميك أب فور إيفير بيعلاش عليه خصوصي السائل أنا بشرتي مركبه وبستعمله مرات كتير حلو وتغطيته منيحه كتير.أما لساعات الليل والمناسبات الخاصه بستعمل جيرلان الكومباكت وإيل مكياج الصلب.

الصديقه مسائيه:
حبيبتي إذا البودره بتبرز التشققات في البشره ما تحوطيش منها على المناطق اللي فيها عيوب بس وين في أماكن دهنيه في البشره.بالنسبه للأماكن اللي فيها مسامات البودره بتبرز المسامات بشده.بنصحك تعملي علاج لبشرتك او إستعملي كريم تقليص المسامات من هيلينا روبينشتاين.
على فكره البودره للي بشرتها دهنيه وانتي بشرتك جافه على وصفك.
البودره السائبه اخف وألطف على البشره لمكياج النهار.

أهلين بأميرة الكون:
البيس بتحطيه دايما وما إله علاقه بالبودره لأنه وظيفته توحيد لون البشره أما البودره وظيفتها تثبيت البيس وتعديل لونه.
توضع البودره السائبه فوق البيس بعد ما تحسي إنه تشربته البشره. إذا بتستعملي بيس سائل ما فش حاجه للبودره.
ما فش حاجه تحطي بودره مرتين او مضغوطه او سائبه.
كريم الأساس مستحسن تختاريه درجه وحده أفتح من لون بشرتك والبودره شفافه.إسا إذا كان الأساس عندك غامق بتفتحيه في بودره فاتحه وبالعكس.
حسب رايي فش إشي بعوض عن كريم الأساس. في بيسيس من ميك اب فور إيفير بيس لونه ابيض منيح كتير وعندي منه بس أنا بفضل أستعمل كريم أساس بعده.

حبيباتي فش حاجه تطلبو مني إزن علشان تسألو أنا تحت أمركو دايما إنشالله.

زهر الشتاء اسمك حلو جداً
أنا حبيبتى كنت حابة أسألك عن أفضل نوع كونسيلر للهالات السوداء ويا ريت تعطينى سعره
كمان ايه فى رأيك أحسن كريم ليل وكريم نهار

dalida palace
كيفك حبيبتي؟ تكرمي.
الكونسيلر الكريمي بيعطي تغطيه أفضل من السائل بس السائل مفضل للي عندها تجاعيد تحت العيون.
مفضل تخلطي أكتر من لون من الكونسيلر علشان توصلي للون المطلوب.للهالات السوداء تحت العين مفضل تستعملي :كونسيلر ميك أب فور إيفير-
5 Camouflage Cream Palette
أخلطي الألوان مع بعض على ظهر إيدك-كميه قليله جدا من كل لون ووزعيه بخفه تحت العين وعلى العين نفسها لإعطاء إضاءه ولتثبيت الشادو.
في كمان الكونسيلر السائل من فور إيفير Lift Concealer ولنتائج أفضل إستعمليه تحت العيون قبل وبعد البيس.
أما عن سعره فأنا بعرفش كيف عندكو بنباع.

بالنسبه لكريمات الوجه انا لازم أعرف شو نوع بشرتك.

هلا اختي اشحالج
عندي سوال بالنسبه لي بشرتي دهنيه وتعبت من كثر مجرب الكريمات الي تزيل الزيت من منطقة الانف وتحت الانف بس بدون فايده ازيد المشكله يعني بشرتي ازيتتتت برغم استخدم البودره المائيه من ماك
للاحظت على الناس المختصصصين بالميكب عن وضع الايشدو مايتناثر على الوجه وانا يوم احطه يتناثر شو السبببب يعني خفه اييييدهم
مشكوره اختي وانتظر ردج:)

بموت في الحكي الخليجي والإماراتي لعيونك يا نور عيونج أحلى جواب
حبيبتي بشرتك دهنيه تستعمليش الزيوت أبدا ولا الكريم اللي فيها زيت. بس الكريمات oil free
بنصحك في سلسلة مواد التنظيف من كلينيك للبشره الدهنيه روعه.
بالنسبه للبودره إستعمليها في المناطق الدهنيه.
بالنسبه للشادو حطي كونسيلر على عيونك (كميه بسيطه) بعدين بودريهم بالبودره وبعدين حطي الشادو.
علشان ما يتناثر الشادو مفضل تستعملي شادو كريمي او عادي وإبتعدي عن البودره.