بسم الله الرحمن الرحيم
أخواتي الغاليات
هذه بعض الإستراتيجيات اللي طبقتها في حياتي ومازلت ولله الحمد ارتحت كثييير عليها ....
طبعاً بعضها تكون كخطة بديلة يعني مو كل وقت (وقت الحاجة فقط)
والبعض كشيء دائم
نبدأ على بركة الله
الإستراتيجية الأولى :
قبل ما أبدأ اطبخ اجهز كل الأغراض والأدوات تكون نظيفة وجاهزه
الطماطم مغسو وتتقطع البصل الخضار الرز جاهز اكيله بس مااغسله لسا حتى الصينية ادهنها زيت واحطها فوق التلاجة حتى ما تجي عليها قطرات موية مشااااغبة
كل شيء قدامي مرتب
بعدها أبدأ اللي محتاج يتقطع او يتفرم
او يتقلم او تذويب او نقع اسوويه
وبعدها بسم الله ابدأ
الفائدة : ماتحوسي وتتلخبطي وتتحركي هنا وهناك يمكن كأنك طالعة الدرج عشرات المرات .. وفي النهاية تتعبي على الفاضي قبل ماتخلصي حتى طبخ
ويمكن تصير عندك عقدة من الطبخ ووقفت المطبخ ههههههههه :icon33:
وعلى فكرة انا من النوع الفوضوي بس بهذه الطريقة الحمدلله ارتحت وتخلصت من هذي المشكلة .......
وبنفس الطريقة صرت امشي فيها مع كل شيء
اخطط
احضر الأشياء والأدوات
ابدأ العمل بدون اجهاد
( يعني لو شغلك حيكون عمل معجنات مثلاً حطي كل الأدوات والعجانة وابدأي اعجني بمكان واحد بدلا روحة وجية ... ونفس الشيء لو اغلب عملك حيكون على البوتجاز خلي كل ادواتك والطماطم وخلافه قريب منه يعني مثلاً بين الغاز ومجلى الغسيل بيتوفر عليك وتريحك )
او في تعزيل وترتيب غرفة نومك
او في رووحة السووق خططي ورتبي
صدقييني بترتااااحي
او مثلاً فكرتي بأنك تحفظي اطفالك سوور معينة من القران
خططي وقسمي الآيات
اكتبي كيف تحفظيهم كيف حتشجعيهم
متى وقت الحفظ متى وقت المراجعة ... الخ
كمان احاول قد مااقدر اطبخ بدري ... مااحشر نفسي بالوقت
بعدها خوذي ودش وتزوقي قبل مايجي ابو الشباب واطفالك كمان اشكالهم تفتح النفس
ومنها تعلميهم خاصة البنات ... الترتيب وحسن استقبال الزوج
واتذكري ان صووووورة خييير من الف كلمة :pinklove2
بس في حاجة حابة اقولها وانتي تطبخي حاولي بين وقت والثاني تطلعي من المطبخ تاخذي هواء نقي لان نقص الاكسجين اللي يسببه الجهد الزائد يؤثر عليك ويحسسك بالتعب والإجهاد فجأة ....
الإستراتيجية الثانية :
هذه الإستراتيجية طبقتها من بداية الإجازة وهي روووووعه
كتبتها الأخت قشنكي الله يجزاها خير
بس غيرت فيها مع مايتناسب معي لكن النتيجة وحده
اكتب طريقتي :
بعد إفطار اطفالي
اعمل لهم ساندويشتات ... توست اقطعه مثلثات احط لهم تفاحتين خيارة مقطعة طماطم
واحياناً لما اجهز الفطور اجهز هذا لهم
ليش
الفكرة ان الأطفال يجوعوا بسرعة !!!
وفي الغالب اصلا ماياكلوا طيب على الفطور
او يكونوا شاربين موية سدت نفسهم
وبدلا مايروحوا ياكلو شيبس وشوكلاته وغيره
هذه تغنيهم وتشبعهم وتكوني مطمئنة على نوعية غذائهم
انا اجهزه لهم واحطه بأطباق بلاستيكية على مناديل ورقية واخليه لهم في الصالة بشكل حلوو ومرتب وفي متناول يدهم
وكمان اعملي كذا مابين الغداء والعشا لو انتي حابة ممكن بدل الساندويشتات مهلبية كاسترد حلى كيك معجنات او بيتزا زي ماتحبي اعمليه مرة وحده على الغداء والعصر حطي لهم في الصالة
طيب ايش النتيجة اللي حصلتها ؟
خفت عصبية ولدي !
والهوشات مابينهم
ماشاء الله تصدقوا
عارفة ذحين إجاازة روووعه لهم ماوراهم ضيقة وهم خخخ بس كمان لأن الجوع يسبب العصبية
التغذية السيئة برضه تسبب العصبية والنرفزة والإكتئاب
لكن لما تحطي الأكل قدامهم بشكل مرتب وشهي ياكلوا حتى لو معاه قلة شهية بياكل لو تقليد لإخوه ياكل وبكذا ترتااااااااااحي ان شاء الله
بالإظافة للسهر ممنوع مايسهروا واذا مررة سهروا اليوم اللي بعده لاااااا
السهر مضر وينرفز الأطفال
واعطيهم فيتامين لازم ......
الإستراتيجية الثالثة :
كل شهر تقريبا امر على الغرف اشووف اذا في كراكيب او اشياء زي قلتها ومش محتاجتها
ملابس او احذية ماصارت تتلبس ادوات اجهزة
واقسمها لقسمين قسم اخرجها خلاص
وقسم ينحط في دولاب مخصصته للأعمال والأشغال اليدوية
نلعب فيه انا واطفالي
زي ملابس نقصصها ونخيطها ملابس لعروسة او كرتون نسووي منو قلعة او لعبة
كمان اذا في ازارير او تل او دانتيلا رووعه وغيره
الفكرة اعادة إستغلال وتخلص من الفائض
وطبعاً حتى لو مالك بالإشغال عشان الأطفال ينبسطوا مررة عليها
ولاتنسي انو مو مهم كيفية اداءهم الأهم الوقت اللي بيقضوه في الإداء
يعني مو مهم لو شغلهم او حسهم الفني مو حلو او خطأ بالنسبة لكي
الأهم الوقت اللي ياخذوه وهم مستمتعين بأداء العمل
يقضوا فراغهم بشيء مفيد
يستغلوا الطاقة الزائدة ويفرغوها بشيء حلووو ويتشجعوا
ويطلعوا مبدعين ان شاء الله
ومع الوقت تلاحظي حتى كرتونة المناديل يستغلوها ويتفننوا فيها ويفاجأوكي
جربي منتي خسرررانة !
وممكن تخليها ألعااااب رووعه وجديدة ومبتكرة وبعد اللعب ترميها :time:
وهذي بعض الصوور ......
شوفوا كرتونة تلاجة قهوة قصقصتها وعملتها بااازل
ممكن بكرتون الكورن فليكس او المناديل او غييره
انتظرووني للموضوع بقية .... إذا إستطعت ان شاء الله
الله يعطيكي العافية موضوع مفيد