فن وذوق
منو يجهز الاكل (أنت ام الخادمة)

السلاااااااااااااااااااااااام عليكم


حبيت اعرف منو يجهز ويطبخ انت أم الخادمة

عنى انا الخادمة بس ما احب اكلها

وياريت البنات يفيدونا ويعطونا تشجيع علشان نطبخ
=====================================

مضيعة وعرموشة

هلا اختي بالنسبة لي كانت عندي خدامةلمدة 14 سنة وكانت هي تطبخ لكن لها سنه رايحة وقمت انا اطبخ تقريبا لان الخدم اللي اجيبهم مو ذاك الزود الا اذا طحت بطباخة واتاكد انها نظيفة لكن لين الحين انا اطبخ والحين اخلي النت وروح اطبخ الغداء ههههههه

===============================================

tashafi2000

بنات لا تزعلون لكن ليه الشغاله تحضر الاكل ايادينا وارجولنا وش فيها ابسط الحقوق الي علينا تحضير الاكل والا الشغاله تقعد رايحه جايه وانتو جالسين والله يابنات صعبه....

=====================================================

sweet2005
مرحبا
اذا كنا مجتمعين انا وزوجىوالعيال انا احط الغداء بس اذا زوجى يبى ياكل بروحه وماحد حوله هو يحط غداه بروحه :

=================================================

اسيرة الأمل

مرحبا اخواتى
اذا الشغالة كمان تطبخ مانقصها الا يتزوجها زوجك وتصير شريكة لك فى كل شىء بل تكون الافضل لانها هى من تقوم فى كل شىء
اختى يكفى انها تقوم بتنظيف البيت والغسيل والكوى واذا انتى موظفة يكفى انها تربى اولادك وتشربهم طبائعها وعاداتها وتقاليدها
ارجو من الاخوات الا يزعلن منى هذه الحقيقة
انتى لك نفسَك فى الطعام نفس مميز وربما يكون رائعا يميزه اهله البيت فى الطعام
هل تتاكدين من غسل يدديها ونظافتها وهن من فيهن عادت الحكحكة بالعامية تتحكحك فى جسمها وابطيها وشعرها وانفها الا يثير هذا القرف
نعم تساعدنى شغالتى فى تحضير الطعام وذلك بعد ان تغسل يديها 3 مرات بالصابون امام عينى ثم تقوم بلبس الكفوف البلاستيكية وثم تقطيع البصل او الدجاج او الثوم فقط هذه الامور التى استعين بها فيها
انا فى اخر شهور الحمل ومعى فقر دم حاد واعانى من الدوخة وانقطاع النفس واقاوم واقف لطبخ طعام اهل بيتى دون تدخل من خادمة او اخرى
كانت لدى خادمة فلبينية 5 سنوات ونظيفة جدا ولكن لم اذكر يوما انها عملت لى كأس من الشاهى
اخوتى لاتعتمدن عل الخادمة فى الطبخ
اولا لان طبخك ولذته خيرمن طبخ الخادمة
ثانيا ماتدرى ماتضع الخادمة فى طعامك
ثانيا حتى لاتكسلى تماما ويبقى لك عمل بالبيت تعتزين به انك انتى من عمله ويكون على الاقل الطبخ
مرة اخرى سامحونى وهذه وجهة نظرى

=====================================================

karmel
أنا مع الأخت أسيرة الأمل في ماقالته

ايش بقي اذا الشغالة بتطبخ

بالنسبة لي مهمتها التنظيف واحيانا مايعجبني تنظيفها اشمر عن يدي واشتغل بنفسي وأرتب والطعام لاتقربه ابدا الا اذا طلبت منها تقطيع بصل او خضار وماأخليها تغسل الخضار لازم بنفسي أغسله وأقوم بالطبخ وتحضير الساندويشات للآولاد والشاي والقهوة .... الخ

ولو عندي ضيوف أنا أباشر على الضيافة وماأـخليها تتدخل بشيء أرتب وأوجب

سنوبس


وعععععععع لو وشو باذن الله ماخليت الخدامة تطبخ هذا اللي كان ناقص والله انا ياللة متحملتها في شغل البيت::::اصلا وشلون تسمحون لانفسكم انكم تاكلون من يد الخدامة ماتدرون وش تسوي وبعدين وين راحت ربة المنزل؟بس مجرد لقب؟للهدرجة وصل العجز بالحريم انهم مايطبخون؟





========================================



ام سارة وبس



والله انا كانت عندي شغاله وتطبخ من الى والحينواحلى اكل وسفره من الى و راحت وجتني شغاله مواقته وما صرت اطبخ الا اشياء بسيطه في الاصل انا ماعندي نفس في الطبخ ابدا مهما اطبخ يطلع اللهم لك الحمد نعمه بس الحين انا امقدمه شغاله وانشاء الله تعرف تطبخ حتى ماعندي نفس اعلمها على الطبخ
==========================================

قهوه ساده

اصلا وش فهم الخدم بالتسبيك والجريش والحنيه في الطبخ
واهم شي النظافه
======================================

عيون الشمال



عندي شغاله بس الحمدالله انا الي اطبخ وزي ماقالوا البنات اذاطبخت وش باقي الحمدالله على العافيه
=====================================

رحيل العمر



والله اني اعرف وحده توها عروس ماعندها الابنت وحده صغيره

موبس تخلي الشغاله تطبخ............

لا كمان ماتصحى الااذا جا زوجها من العمل هو يصحيها!!!!!

لانها طول الليل تسهر مع صاحبتها في استراحه خاصه بهم....وزوجها يسهر مع اصحابه في استراحه ثانيه....

سبحان الله الدنيا ارزاق احنا نقوم من عز نومنا عشان نطبخ ونلبخ وياااااريت عاجبين!!

====================================================

hello kitty



انا اللي اطبخ طبعا...الخدامه بس تغسل لي وتقطع بس على شرط قدامي مع انها والله نظييييييييفه مرررررره وحتى ريحتها دايما حلوه ..ولو اقول لها جيبي لي كاس تغسل يدها اول وبعدين تجيبه(انا كذا معلمتها)...بس التنظيف والغسيل والله عليها...الكذب خيبه :)

=======================================================

أم سومه



هلا فيكم خواتي

كان عندي من قبل 16 سنه خدامه وكنت ماخذتها من امي وهذيك الايام كنت حامل وجلست معي يمكن 3 سنين وهي الي كانت تطبخ وتسوي كل شي

لان زوجي هذييك الايام مسافر على طول يمكن كان يجي كل شهر كم يوم

بس الحمدلله ربي فكني منهم لي يمكن اكثر من 5سنين ما عندي شغاله ولا ابيهم بعد مشاكلهم

وانا الي اطبخ

================================================

عروق نجد



لا والله ما اخليها تطبخ

بس تقطع البصل والخضار بعد اغسل الخضار بعدها

=================================================

منــــــــال



صراحة


مادري ليش الكسل لدرجة ان الوحده ماتقدر تطبخ
والشغاله مهما كانت نظيفه في اطبخ لألألأ

واتحدى فيه شغاله نظيفه 100%
شغل البيت :angry: وتكسير الصحون وكثر خيرهم ههههههههه

مرات اكون في عزومه او عند احد جاراتي وماأقدر اكل لأن عندي احساس ان الشغاله مصلحته 0000

اعرف شغل صاحبة البيت من الشغاله

و كثير اعرفهم معتمدين على الشغاله ويقولون وععععععععععع

مانحبهم يطبخون وحنا نصلح شغلنا والشغاله مصلحته ههههههههه

في ناس عادي ماعندهم مشكله ويقولون ان الشغاله يديها طول وقتها في الصابون __وبعدين لو كانت الشغاله خبيثة وحابه تسوي شي في اكلي حتى لو انا طابخته بتسوي اللي تبية !موعايشة معنا في نفس البيت؟
اما عني انا اللي اطبخ بصراحة لان الشغاله يدوبك ملحقة في شغل البيت

يا حليلكم يابنات المنتدى أحيتوا الموضوع ونا نسيته مع مشاغل الحياه إن شاء الله إذا تحسنت أوضاعي الماديه ناويه أجيب طباخة:30: :cook: العمر يخلص والطبخ مايخلص :09: الأخوات اللي يقولون ابغى زوجي يقول لي تسلم يدينك نصيحة لاتخلين الطبخ سبب محبة زوجك لك

اخليها تقطع بس وانا اللي اطبخ