Oo الــدخيــله oO @oo_aldkhylh_oo

مساعدة مشرفة الواحة الأدبية

إسكت وخلّ العيـون ..؟ يسولـفن للعيـون /././ فالعمر لحظات . ما يقـدر عليهـا اللسـان

.

.

عقب الضما .؟ لاح نور البرق وسط المزون

.............................. وانهل وبـل اللقـا واروى ديـار الحنـان

اثر الجفـا يوصـل العقّـال حـدّ الجنـون

.............................. واثر الوصل يدبـل جنـان المحبّـه جنـان

يا شمعة العمر . لا تغلبـك سـوء الظنـون

.............................. انت الامان .؟ إبزمن ما فيـه ساعـة امـان

قلّ . للمشاريه في وقـت اللقـا لا يجـون

.............................. عتابنا الصمت والاشـواق . شاهـد عيـان

إسكت وخلّ العيـون ..؟ يسولـفن للعيـون

.............................. فالعمر لحظات . ما يقـدر عليهـا اللسـان

كلامنا احيان .! من عظم المواقـف يهـون

.............................. وألا انت . تكرم ومن هانك بعينـي مهـان

لا عاد تقطع وشف . صدر الوصال إمغبون

.............................. وان كان ما شفت .؟ بأصبر والله المستعـان

من سبّتك قامو العالـم علـيّ .؟ يشرهـون

.............................. ما عاد خلّيت فـي قلبـي لغيـرك . مكـان

واللّه لو إنّك نظر عيني .؟ وانا لك جفـون

.............................. إنّي لا اغمّض عيوني فيك طـول الزمـان

مقعدك فالقلب فوق .؟ وغيـر مقعـدك دون

.............................. مـن دون منّـة فـلان ودون منّـة فـلان

خلّك بقلبي وغـرّد بـه . وجـرّ اللحـون

.............................. يا غايةٍ في عيـون اهـل العـلا والطمـان

وتمون فالوصل لكن فالجفـا .! مـا تمـون

.............................. زمان من دون شوفك جعله امحـق زمـان

.

.

يلزم عليك تسجيل الدخول أولًا لكتابة تعليق.

تسجيل دخول

رجاوي ام راكان • 18 سنة

صح لسانك

واجفا ياوخيتي صدق يوصل للجنون

شكرا لك على حسن الاختيار

جريحة الخطاوي • 18 سنة

ماشاء عليك حطيت يدك على الجرح

من جد الجفا يوصل حد الجنون

جداااااااااااا رائعة كان ودي اعلق علىيها ببيت شعر لكن لن اوفى مدى روعتها
الصمت ابلغ من الكلام الى الامام ياصديقتي

ضئ النهار • 18 سنة

وش اقول وش اخلي

يامنااااي وش اسوووي

يهببببببببل حلوووو

كلك ذووق والذووق مايجي منه الا كل شي كل شي حلو مثله\

محبتك

عوااشه>>تراني عووي بس داخله بنك عمتي:)

معذبة الكلية • 18 سنة

القصيدة بصراحة رووعة ..
لكن هالبيت جاء على الجرح ..

اثر الجفـا يوصـل العقّـال حـدّ الجنـون

واثر الوصل يدبـل جنـان المحبّـه جنـان

يعجبني اختيارك الراقي ..
سلمت يمينك على الابداع ..
دمتي بخير ..

Oo الــدخيــله oO • 18 سنة

رجاوي ام راكان ..

صح بدنك يالغلا .. اسعدني وجودك في متصفحي .. ان شاء الله دوم

جريحة الخطاوي ..

يكفيني طلتك يالغلا .. وصدق من قال ان من الشعر لحكمه
واسعدني جدا مرورك يالغلا .. لاعدمتك

ضي النهار - عوشييييييييييييييييييييي

يالله حيه .. دايم تخجليني بذوقك ياعواشه .. اصلا موضوع من دون وجودك ناقص
بس هاه نبي نكسب عمتك ان شاء الله معنا ..
ومية هلابك ياعواشه ..

معذبة الكلية ..

انتي الاروع يالغاليه وصدقيني انا اسعد بتواصلكم وهذا يعطيني دافع
لاعدمتك ..
سعدت جدا بتواصلكم:26: