إسلامنا أوصانا بها لكن بعض المسلمين لم يعملو بها !!!

السلام عليكم

اهلين يابنات حواء ودي افضض لكم:)

عندي مشكلة مع المجتمع !

انا مأدعي المثالية ولا الكمال بس انا ماحب صفات معينة واعجز اتقبل الشخص الي توجد فيها مثل هالصفات في الاخير بعد هالسنوات اكتشفت إنا اغلب الناس الي اعرفهم يغلب عليهم هالصفات بعد مواقف عديده طبعا
ماحب
الكذب

والله ياناس انه دم ضروسي ماتحمل الانسان الي يكذب اكره الكذب واكره صاحبة للاسف اكتشفت ناس تدعي التدين بس تكذب !!!!
ماعاد اتقبلهم ولا احب حتى اسمع اصواتهم :( منيب قادره اتقبلهم ولا اتقبل كلامهم
للاسف بعضهم كانو قريبين مني لدرجة ماتتصورونها يوم اكتشفت هالصفة فيهم بعد عدة مواقف ابتعدت عنهم وياليتها وقفت على كذا هالناس صارو يكذبوني مثلا اقول سافرت للمكان الفلاني يناظروني بعيونهم اكتشف بعد الشهور انهم مكذبيني يالله ثبات العقل :(

ماحب
سوء الظن

الي اغلب كلامة تحليل لكلام الناس مثلا تقولين كلام عادي تكتشفين انه مفسر لكلام غير الي تقصدينة حتى لو كلامك اوضح من الشمس :( يعني عشان يصدقونك لازم كل سالفة تحلفين بالله انا الكلام الي قلتيه مالها تفسير ثاني غير الي قلتية عشان يصدقونك ولا يروح تفكيرهم بعيد
والله ياناس اكشتفت انا اغلب كلامي يفسر بطريقة غلط وتفسير تافه يحرق دمي واعصابي فرضا اقول كلام يفهمونة اني اقصدهم أو أذب عليهم عشان أقهرهم وانا هالطبع ماهو فيني لاني ماحب اجرح احد لو حسيت اني جرحت أحد بكلمة مانمت ذيك اليلة بس وش يفهمهم :(

ماحب
الغيرة

ماحب الي يغار من الناس ليش انا ربي رزقهم ليش انا ربي مسعدهم ليش انا ربي موفقهم !!
والله ياناس اكره الحسد والغيرة احس الي يغار ويحسد العين تطلع منه لان عمره مايشبع مهما ربي ارزقه إلا يشوف إلي عند الناس اكتشفت نوعيات مقربين لنا اذا قلت شي يفرح لي او لخواتي الوجية تلفع وتغير ويكون الرد إما رد بارد او رد يكسر المجاديف كنها تقول لا تفرحين
حسيت الي يغار مايفرح لفرح الناس وهذي مصيبة عظمى

كل الصفات الثلاثة منتشرة ومنيب قادرة اتحملها واتحمل الي يحملها :(
صدقوني ماأدعي الكمال اكيد فيني عيوب بس والله هالصفات مهيب فيني ولا بخواتي يالله لك الحمد احمد ربي بس اخاف تنتقل لي من كثر الاحتكاك من اشخاص يحملونها وماأبي أشيل في قلبي على أحد :(