جوليا الجميله :

صح مع جواهر العتيبي انا اقول اللي جربت بعد الطلاق لاتتزوج اي كلام لا خلاص يكون سقف طموحها عالي ولازم تكسب من زواجها الثاني لو بيت او شقه باسمها التجربه الاولى عطتها درس وتقدر تحتفظ بشروطها اطفالها معها وسكن باسمها واذا ماتوفر بلاها من اصله

صح مع جواهر العتيبي انا اقول اللي جربت بعد الطلاق لاتتزوج اي كلام لا خلاص يكون سقف طموحها عالي...

عواطف تركي :

وحده من خالاتي قبل زواجها كانو يقولون لها اخوانها ترى اللي خاطبك عصبي جداً واذا زعل مع احد يزعل بالسنوات ويجحد يعني نفسه خايسه ماينطاق وفعلاً لما تزوجته نفس الصفات اللي قالوها هي عاشتها ومارحم انها انثى يوم طنقر عليها عشان اخوها ماخطب من خواته عصب وطردها من البيت كأنها واحد من الشباب !! وجلست في بيت اهلها فتره وهي رجعت من نفسها عشان ولدها ذلت نفسها واعتذرت منه وحرمها من الطلعه والمكالمات ومايكلم احد من اهلها كأنهم اعداء اعوذ بالله بعدين سمح لها تكلم من جواله مره بالاسبوع عشان كذا دايما ننصح انكم تسألون عن الخاطب عند زملائه بالوظيفه واصحابه وجيرانه حتى البقاله اللي بالحي اللي يسكنه ادخلو واسألو عن اسلوبه وتعامله وبينكشف لكم المستور اما الاهل والاقارب وحتى الخاطب بيمدح نفسه وبيمثل ويجامل عشان يطلع احسن واحد وماتبان الحقيقه الا بعد ماتعاشره

وحده من خالاتي قبل زواجها كانو يقولون لها اخوانها ترى اللي خاطبك عصبي جداً واذا زعل مع احد يزعل...

حلوة الباديه1 :

أنا أختي طبعاُ هالكلام من 20 سنه تقدم لها زوجها والكل أثنى عليه دين وأخلاق ومعيد بالجامعه وبيروح يكمل دراسته برا... لكن البعض سب أمه وأنها قشرا مررره وسيئة الأخلاق بمعنى بذيئة اللسان,,, فكانت أختي متخوفه مره وكأنت دائماً تستشير صديقاتها لأن حنا البنات كنا صغار ,, تقول أحد قال لي تزوجيه ووحده معي قالت لا لا تأخذينه بكره توذيك أمه وبعدين أنت صغيره وحلوه وجميله وفعلاً أثرت عليها مره وراحت أختي وقالت خلاص ما ابي اتزوج ابي أكمل دراستي وكانت بثالث ثانوي ,, أهلي ضاقت صدورهم ان الرجال ونعم وخلاص اتفقوا وتكلموا في تفاصيل الزواج ,,, قام ابوي ونادى اختي وجلس يسولف معها 3 ساعات الين عرف سبب الرفض وبدأ ينصحها وقال صديقتك هذي اما حاسدتك او غيرانه,, لكن مانيب مستعجل وراد على الرجال,, قولي لصديقتك اني خلاص رفضته ورجعنا المهر ,, خصوصا أول كانوا يعطون المهر قبل الملكه بأشهر,, تقول وفعلاً رحت وقلت لصديقتي اني رفضته ورجعنا كل شيء له والله يعوضه ويعوضني تقول أختي والله العظيم ما انسى ضحكتها وفرحتها وجأت بعد يومين تقول كان ذا الشخص الي رفضتيه يبي عروس ترانا نعرف ناس بكل وقاحه,,, المهم أختي قطعت علاقتها بهذي الصديقه ,,,وتزوجت اختي بعد ما تخرجت من الثانوي تقول والله احلى الأيام ايام الملكه كل يوم سواليف الين الفجر وغزل واعجاب وحب ويوم تزوجته,, شفت أن امه صراحه حمشه بس ماتظلم احد لكن حقانيه تقول والله العظيم حبيتها وحبتني من كل قلبها ويوم توفيت بكت عليها بكى تقول لانها عادتني زي بنتها تسولف علي وتشكي لي,, الله يرحمها ويغفر لها ,,, واختي الي الان ولله الحمد مع زوجها مبسوطه حليو وحبيب ياربي لك الحمد لكن مايمنع من وجود مشاكل في الحياة يتأزم الوضع ويرتخي في ايام ثانيه لأننا بشر و ((خلق الإنسان في كبد)) يعني الحياه ماهيب كلها سعاده ابديه ولا هي نكد دوم مابين وبين... اما أنا بالنسبه لي ايأم الملكه أحلى الأيام كلها دلع وغزل وعشق وبعد الزواج كرف بس الحمدلله هذي حال الدنيا والله يصلح نياتنا وذرياتنا ويرزقنا الأخلاص في العمل.. شكلي عطيتكم محاضره

أنا أختي طبعاُ هالكلام من 20 سنه تقدم لها زوجها والكل أثنى عليه دين وأخلاق ومعيد بالجامعه وبيروح...