إشتريت فرن كهرباء ماركة كلفيناتور يوجد صور

مبروك عليك الفرن الجديد وان شاء الله البنات يفيدونك

88888

للرفع

ماطلعت الصورة ..

الله يبارك لك فيه ويعطيك من خيره ويكفيك شره

أختي أنا ما اشتغل إلا على أفران الكهرباء ولي فيها خبره

الأفران الكهربائية تقريبا نفس المواصفات إذا كانت من نفس النوع ولو اختلفت الماركات

بالعربي مو شرط اللي عندها كليفانتور تقدر تفيدك

أنا عندي ويرلبول سيراميك وقبل ويرلبول حلزوني مثل اللي عندك بالضبط

وبجاوب على أسئلتك

بس قبل بنبهك أن الفيش وضعه بشكل مقلوب خطر شوفي السلك كيف منحني مع الوقت يمكن يتأثر

لازم الفيش يتركب عدل
كيف الطبخ مثل الأرز
وعمل الشوربه وسلق الخضار واللحمه ؟؟

عادي مثل الطبخ اللي متعوده عليه تبدين بحراره عاليه يعني لفه على أعلى اليمين على الهاي

وبعدين لما يقل الماء وتشوفين الحفر على سطح الرز تقصرين العين على اللو

طريقة التنظيف الذاتي كيف؟؟

التنظيف الذاتي الزر اللي مكتوب عليه سيلف كلينينج

تضغطين عليها بعد ما تشيلين الشبك الداخلي بتلاحظين بيعطيك توقيت أنا أختار دايما ساعتين ما أخليها للقصوى اللي هي 3 ساعات ونص
بتلاحظين الفرن تقفل وماراح ينفتح إلا لما يخلص التنظيف الذاتي ويبرد

بس نصيحه لا تستخدمين ها الخاصيه إلا لما يكون متسخ كثير

لأنها تصرف كهرباء ولازم تهوين المطبخ زين بتشغيل الشفاط والشباك بعد

طريقه الطبخ السريع كيف.؟؟

شلون الطبخ السريع هذي مافهمتها


فيه خاصيه اسمها Bake ما معناها؟

يعني الخبز يعني يشتغل الفرن من أسفل

والبرويل يعني الشوي يعني يشتغل الفرن من فوق


وهل هو أمن؟

بإذن الله آمن , اللي عندي يفصل الكهرباء لو فيه شي


والعيون الحلزونيه عندي كيف ممكن انظفها؟

العيون تتنظف عادي بس لا تنقعينها بالماء بفوطه فيها منظف أو بأسفنجه مع منظف مثل جف أو بريل وبفوطه ثانيه فيها ماء تمسحينها زين وتنشفينها

فيه أنواع من الحلزوني تطلع وفيه تتنظف في مكانها

شوفي اللي عندك أي نوع

بالنسبه للكيك او المعجنات كم المفروض درجة الحراره تكون بالفهرنهايت؟؟؟

الكيك على 350 و شغليه قبل بوقت ولو الكب كيك ولا قوالب صغيرة خليها 300 وانتبهي لها بعد ربع ساعه وتقدرين تراقبين بدون ماتفتحين الفرن

شغلى الأضاءة الداخليه وصكريها

الخبز للمعجنات على 300 أو 250 ولاتزيدين لا تنحرق

والأفران الكهربائيه قويه في الخبز وسريعه


والله ييسر لك

والله المستعان