]
.
قلبٌ أدمته الجراح @klb_admth_algrah
عضوة شرف في عالم حواء
يلزم عليك تسجيل الدخول أولًا لكتابة تعليق.
جزاك الله خير نصايحك ثمينه ويحتاجها الكثير من الناس
وفعﻻ مافيه زي التفائل في عز العاصفه
وفعﻻ مافيه زي التفائل في عز العاصفه
الصفحة الأخيرة
صباحكم / مساؤكم طهر ...
يارب الكل سعيد وراضي....
اليوم موضوعي بسيط واتمنى يكون خفيف... وقريب من قلوبكم وتتقبلونه بسعة صدر وتستوعبون معناه
وكلامي اقصد فيه الي يهتمون بكلام الناس... وتملا صدرها حزن... وتشحن نفسيتها تعب ... تعب... تعب!
ي حلوتي اهتمي بقلبك شوي...وارسمي حياتك مثل ماتبين ... لاتتركين فرصة للناس تثبط عزيمتك.. وتفقدك الثقة بنفسك
استغرب ان كثير مننا تسلم نفسها للحساسية المفرطة .. ويأثر فيها حتى كلام الاطفال؟!
وكثير من الحريم تفتح اذنها وعقلها للكلام السلبي ... وتصير أسيرة هالجو....
لاتحمل زوجها ... ولاتمسك نفسها قدام النقد حتى لو كان هادف ... ونظرتها للكل مايحسون فيني!
حبيبتي انتي الي ضيعتي الفرص عليك...!
لما أصرخ .. وأعصب.... وأبكي... وأنتقم .. واكره( معناه فتحت النكد على نفسي )
واستغرب اكثر من الوحده لما تجي بعد سنوات وتكتب موضوع وتقول اليوم تذكرت موضوع نكد علي ... وانو صار وصار...
خلاص السنين راحت بتعبها وهمومها ليش تنبشين .. وتقلبين صفحات انطوت ...كان من المفترض قبل لاتتجرأين وتفتحين موضوع مثل هذا
تفكرين كيف تغيرين نفسيتك ويومك للافضل.....
لاتشتكين من الناس وكلامها ...انتي الي تفرضين شخصيتك على الي حولكك ... بضحكتك.. بثقتك بنفسك... وبقناعتك ...
لك افكارك ... وحريتك الشخصية الي ماتتجاوز حدود الله وشرعه...ومع الوقت بيملون ويتركونكك ويعرفون انهم صعب يكسرونكك
خليك اتيكيت في كل شي.. وصدقيني كذا بتعرفين ترتبين حياتك صح
وأول الخطوات الي ممكن من خلالها اثبت شخصيتي هو اني اعرف كيف اواجه المواقف .. اعالج مشاكلي بنفسي... احط حدود
لكل شي..علاقتي مع اختي... مع زوجي..مع صديقتي... مع جارتي... مع الغرباء حتى!
ي بنات الثقة مو سهل اني اعطيها اي احد.... وخل نحسبها بالطريقة الي تشوفها بعض الحريم .. فترة وتتعرف على جارتها ووكل وقتها معها وتصير اكثر من اخت
اسراري .. كل كل كل اسراري معها ... زوجي واحش فيه... واختي ومشاكلي معاها... وامي ومواقفها... وصديقاتي ومتاعبهن وو...وو
طيب وبعدين؟؟؟ ليه مو قادرين نستوعب ان الغيبة هي من اكبر الاعمال الي تحبط حسناتنا.. ليه مو قادرين نفهم ان الناس اجناس. وان الثقة غالية جدا
و نستوعب انه راح يمر علي وقت واندم اني فضفضت اصلاُ لمخلوق!
يمكن لاني لحظظتها كنت تعبانة.... ويمكن مع الايام اكتشف اني حكيت همي للشخص الخطأ !
وهذا اكبر غلط برضة ترتكبة الانسانة بحق نفسها ... لما تخلي حياتها كتاب مفتوح ... ويعرفون نقاط ضعفها ويستغلونها ضدها ,,,الله المستعان!!
البنت الذكية هي الي تعرف تحسبها صح... وتفهم الحياة وتعرف تستعمل اسلوب التطنيش .. خل يقولون مو حلوه... خل يقولون دبا...ووو...ووو
هل اذا قالوا هالكلام نقص من العمر شي....؟؟
حطي ببالك دووم هالشي.. وخلي طموحك رضا نفسك وووووبس...شوفي الحلو فيك وطوريه..اثبتي تميزك بجمال روحكك وصبرك على الظروف....
تعلمي كيف تتجاوزين همومك... تكسرين شوكتها .. خليك حلوة بإبتسامتك دوم....
لما تمرين بمشكلة ادرسي الوضع من جديد...حطي حلول لها على حسب وضعك النفسي ...ابداً لاتحطين الحلول بتقدير من قلبك وعاطفتك تجاه الاشخاص
بالعكس حكمي عقلك... ودينك بالدرجة الاولى في هالموضوع...واقتنعي تماماً ان الحياة مستحيل تخلو من المشاكل .. والناس كلها مو معصومة
حتى لو صدمك عزيز بموقف .. تجاوزي...عطية فرصة ثانية...لو زاد جرحه... لك الحق هنا تصدين انتصاراَ لكرامتك.. واحتراماً لمشاعرك .
لي قريبة الله المستعان الاحظ بسوالفها لما تتكلم عن موقف حصل لها مع احد تقول صدمني باسلوبه وكشيت والحين مااحب اكلمه زي اول!!
وكل مره تتكلم ماعندها الا هالكلمة ( واكش من فلانة وكشيت من علانة...)
قلت لها اذا موقف بسيط مثل هذا أثر فيك وفهمتي انها تدور المشاااكل معك وربي ماراح تعيشين مع الناس...ولا راح تعرفين تتصرفين عمرك كله حتى مع زوجك!!
(( للحين بنوته ماتزوجت))
جد يابنات فيه ناس للحين تفكيرها طفولي تجاه الاشياء..تجاة المواقف...تعتمد على الاخرين في حل مشاكلها .. سلبية ,,, وحياتها دوم روتين ...
لاتعتقدون ابد اني بنصايحي هذي ماعندي مشاكل او خالية... لاوالله تمر علي ايام اعاني... بس جد ماعطيها وقتي كله وأتالم وادمر نفسيتي ..أو أدخل أحد بحياتي
ويوجهني... صلحي .. ولا تصلحين.... خاصة اني احب اكون غامضة شوي .. واحترم خصوصياتي والناس الي اشركتهم بحياتي!!
الي متأكدة منه اني من صرت انظر للحياة بتفاؤل شديدة وان حياتي حلوه مهما قست .. وانا عايشة بسلام نفسي يارب لك الحمد على كرمة وفضله.
تعودوا تكتمون احزانكم شوي.. لاتكثرون شكوى.. مافيه احد بيكون ارحم من ربك ,, ألجي له في كل احوالك وبيرضيك ويعطيك بس احسني الظن فيه..
احتسبي الاجر في حزنك ... في صبرك .. في وضعك... وابشري بالخير من عنده تعالى
خليك مثل الجبل مايهزك كلام.,, الحلو من كلام هالناس خذيه.. والشين ارميه ورا ظهرك وعيشي حياتك مثل ماتبين سعيدة ...متفائلة
تقويك عزيمتك على المشكلات وتعلمك الحياة انها حلوة بس قولي ياااااارب قويني بالايمان ورضاك عني ي رحمن.
كتبته ونصحت به : قلبٌ أدمته الجراح