إضراب الخادمه عن العمل والرغبه بالسفر بسبب ادخلو وتعرفون يمكن احد يقدر يفيدنا

السلام عليكم ورحمة الله وبركاته امس صارت مشكله السالفه امي شكت بالخدامه انها سارقه جوالها لانه مقفل ودورناه بكل البيت ومالقيناه وذاك اليوم ماطلعت كان قلنا نسته في مكان المهم امي قالت بكره بفتش غرفة الخدامه طبعا بعد مافتشت البيت كله حتى اللي تحت الكنب وبين المخاد راحت وفتشت الغرفه ومالقت الجوال بس لقت امواسنا المستخدمه القديمه اللي رميناها عندها تستخدمها هي وفرش أسنان حقتنا تفرش فيها الله يقرفها المهم امي نادتها وقالتلها ليش كذا تاخذين أمواس مستخدمه كذا خطر تجيك امراض واذا تبين اطلبي منا المهم الشغاله يوم عرفت ان امي مفتشه غرفتها انهبلتتتتتت وقالت انتم تحسبوني حراميه أنا خلاص بسافر وتاخذ أغراضها وتجلس عند باب الشارع وتقول لو اجلس سنه عند الباب ماراح أتحرك لما تسفروني أنا خلاص مابي اشتغل عندكم المهم امي حاولت تدخلها وقالت انتي كويس بس أنا كل الشغالات اسوي معاهم كذا ومازعلو باقيلك سنه اتحملينا ثم سافري والخدامه ماسكه معها تبي تسافر تصدقون لها يومين ماشتغلت تقول بسافر كانت شعله من النظافة بس بسبب غلطة من الوالده خربت علينا أنا قايله الامي تبي تفتشيها فتشيها بس لاتدري بس الوالده الله يهديها تسرعت وخربت كل شي وش الحل يابنات كيف نعالج المشكله كيف نخليها ترجع مثل قبل ملاحظه الأمواس المستخدمه لقيناها بحمامها وتستخدمهم يعني لانحسبونها تبي تعمل سحر لو تبي سحر خبتها ماحطتها بالحمام ونفس الشي الفرشه تستخدمها وموجودا بالحمام برضو