السلام عليكم ورحمة الله وبركاته ..
بالكااااد وجدت الموضوع محفوظ عندي.. ورجعت نزلته لعيووون اللي طلبوه .. :27:
وأشكر كل من طبقته وشكرت فيه ..
(والعذر لمن طلبته وتأخرت .. لأن سبب الحذف مثل ما أنتوا عارفين لما دخل هكر وحذف مواضيع كثيرة وخرب .. والله المستعان)
فرجعت أنزله ..
بس أضمن لكم .. ما مثل طريقتي ف الكبدة.. (وبإذن الله تعجبكم)
لسوينا فطور ف العايلة احنا علينا الكبدة داااائماً .. لأنها مميييييزة وبس يكفي إني أنا أشهد
سويتها لعيونكم عشان أصورها.. من جد غرااااااام..
يلا تفضلوا:
المقادير:
2-3 بصل مقطعة صغااار (الكمية حسب الحجم)
4-5 طماطم مقطعة صغااار (الكمية حسب الحجم)
1 فلفل رومي متوسط الحجم مقطعة مكعبات صغيرة
5 فصوص ثوم مدقوقة كويس
نصف كوب كسبرة مفرومة
1 كيلو كبدة (مقطعة أصابع ضعيفة..إن شاء الله يكون حجمها واضح ف الصورة)
ملح - فلفل أسود - بهارات مشكلة
1 عصير ليمونة صفراء
الطريقة:
1- انقعي الكبدة بالثوم وعصير الليمون ونصف ملعقة متوسطة فلفل أسود (ممكن تزيدي حسب رغبتك) اخلطيهم كويس واتركيهم ع جنب على ما بال يتحمس البصل..
2- احمسي البصل لين يشقر..
(صورة البصل قبل ما يشقر<< للملاحظة يعني)
3- أضيفي الكبدة والفلفل البارد وملعقة متوسطة ملح ونصف ملعقة متوسطة بهارات مشكلة وقلبيهم تقريباً خمس دقايق..
4- اضيفي الطماطم وقلبيه لين ينشف مررة..
5- أضيفي الكسبرة وقلبيه لمدة دقيقتين أو ثلاثة..
وبس!
وعواااااااااااااافي..
الصور النهائية في الرد التالي
والله يبلغنا واياكم عيد الحج ونفطر فيها
امييين