إعادة موضوع واخيرا تخلصت من الشعر الزائد

السلام عليكم ورحمة الله وبركاته
انا اسفة جدا جدا يا بنات على التاخير بس والله جد معذورة من كتر ماجلست ادور على موضوعي في المنتدى صفحة صفحة
ولو تشوفو المواضيع تلاقو اني سالت كيف الاقي موضوعي كم مرة وكتبت تجربتي في المنتدى كم مرة في مواضيع البنات
لحد ماطفشت وسيبت الموضوع والمنتدى كلوووووووو
الى ان جاتني رسالة الاخت متاملة واقولها شكرا يا قلبي وجزاكي الله كل خير على الشرح الوافي عسى الله ما يحرمني منك
وكمان شكرا لكل البنات الي حاولو يساعدوني والله يعطيكم العافية وارجع اكرر اعتذاري لاني اول مرة اشارك في منتدى وابشركم
كمان لسة توي اخدة دورة كمبيوتر لاني كنت في ميييييح عذرا للاطالة
وهادا موضوعي
انا سمعت عن نبات السعد وحاولت اجربو كم مرة في البداية اشتريتو من عند العطار بكبارو بس طبعا ما قدرت اطحنو
وبعد العديد من المحاولات الفاشلة جبتو مطحون وكمان فشلت المحاولة بس بعدين اشتريتو كبير ووديتو عن مطاحن البن خليتهم يطحنولي هوا علشاناتاكد انو مو مغشوش وبدات استخدموا بزيت الزيتون 3ملاعق من نبات السعد وكاسة زيت زيتون اغليها على النار وبعدبن استخدمها بعد ما اشيل الشعر وهيا دافية طبعا اجلس لمدة لا تقل عن ساعة لاني جربتو نص ساعا ما جاب نتيجة واتوقع كمان لو قدرتو تجلسو اكتر افضل وبعدين اغسل رجلي
وطبعا ما بانت النتيجة الا بعد كم مرة من اعادة التجربة ودحين بدات تظهر في جسمي بقع ما فيها شعر وانا دحين استنى كل ماطلع الشعر
اشيلو بالحلاوة واحط الخلطة وعلى فكرة يا بنات الموضو ع موسهل يبغالو صبر ومعاتة وخصوصا اذا كان الشعررررررررر غزير
الله يعين وتر اانا شفت الطريقة في المنتدى كتييييييييير علشان كدة مافصلت في الطريقة لانها معروفة في المنتدى وحبيت اذكر تجربتي علشان ابين انو نبات السعدجاب نتيجة بس هوا مو سحر يبغالو صبر وعليكم بالتكرار وفي الأخير انا ما اعرفلو اسم تاني و حبيت اقول
للبنات اعطي لاخوك الف عذر والشكر الاول والاخير للاخت متاملة الي ساعدتني وكمان للي حاولو يشرحولي واسفة للاطالة