إعتبروا ضناي ضناكم وشوفوا وش فيها

الله يجزاكم الجنة يارب بنتي اللي تعبت فيها خايفة عليها ياجماعة طمنوني عيالكم كذا والا انا بس بنتي اذا جيت ارضعها ترفع راسها فوق تميله بالمره لدرجة تحسي ان رقبتها بتنكسر وتصلب عليه وتشد جسمها يصير ممدود وقوي اجي برجع رقبتها تشدها زيادة وماترضى ترجعها بسهولة وصايرة دايما تناظر فوق ورقبتها مرفوعة بأعدلها ترفض وتشد زيادة والله كل ماأسدحها ترفع رقبتها ليه تسوي كذا
كمان ماترضع كويس عمرها شهرين ونص 
كأن لها أسبوع والله شكلها
يحزن الله يسعدكم كل مالها تنحف
والأعراض اللي عند بنتي إسهال وإنتوا بكرامة اليوم يمكن ست مرات وتستفرغ تخيلوا اعطيها الرضاعة ترضع شوي وتدفها وتجلس تمص يدها شوي وارجعها ترضع شوي وترجعها عني اجلس حول ساعتين معاها عشان تخلص 120 مل وهي جوعانه بس احس في شي يضايقها مايخليها ترضع بدون رفعة الرقبة اللي عقدتني اخذها بأرضعها تدور برأسها كأنها تدور احد وراها ولما تمسكها تطلع صوت طقطقة قوية وترضع بسرعة وتفكها يعني تقريبا كل دقيقة تفكها ماعمرها خلصت رضعة كاملة مرة وحدة ياربي والله تعبت ياأمهات معاها لدرجة اني اجلس ابكي معاها والله شكلها يحزن الأطفال يكبرون وهي لا تخيلوا بنت خالي وأختي كلنا ولادتنا قريبة من بعض وأنا اول وحدة فيهم هما ولدوا بعدي وبناتهم ماشاء الله عليهم ع الرغم ان بنت خالي طلعت بنتها وزنها 2 وانا بنتي 2 ونص والحين اللي يشوف بنتها ماشاء الله يحكم ان عمرها خمس شهور مو شهرين بسم الله عليها الله يحفظها عجزت يابنات وصايرة مهمومة لا ومن أمس وهي تحاول عيونها تقلبها بشكل يخوف موعارفة وش فيها تعبت والله اني اكتب لكم ودموعي في عيني
وكمان نومها كثييييير تجلس حول ست ساعات هذا في الليل للصبح وطول النهار نومها متقطع تبدأ تنام وتصحى ع طول 
ولما ارضعها وهي نايمة ترفض تماما 
وتإن في نومها وتزحر كأنه أحد زعلها وأوقات تبكي بكاء فجعة حتى من الخوف لما أسمعها أروح أجري والحين صارت نحفانه كأنها في مجاعة
وديتها مستشفى قالوا مافيها شي صح في البداية كانت صحتها حلوة
وصل وزنها أربعة والحين نقص عن اول صار ثلاثة وشوي خايفة عليه طمنوني
الله يفرح اللي ترد عليه بضناها ويجزاها الجنة من فرج عن أخيه كربة من كرب الدنيا فرج الله عنه يوم القيامة ياليت اي وحدة تدخل ماتطلع الا برد يمكن ألاقي الحل عندكم بعد الله
الله يسعدكم محتاجتكم إعتبروها بنتكم