إقرووو قصتي وعطوني رايكم فيها لانه رايكم يهمني و يحدد مصيري مع زوجي

ودي أعرض عليكم مشكلتي و طامعة في إسدال نصايح منكم

لأنكم خواتي اللي أعرفهم

من جد جالسة أكتب هالكلام ودموعي مغرقة الكي بورد ولا أقدر أشوف الشاشة من كثر البكاء هئ هئ هئ

زوجي شكله إنهبل وقعد أصبح لا يطيق مني شي ولا كلمة ولا تصرف و دايم بوزة 5 أشبار بالبيت أنا حامل للمرة الثالثة و تعرفون الحرمة الحامل و النفسية ( الزفت ) وصايرة حساسة وقايلة له هالشي من أول ما حملت أن الحساسية تزيد عندي بالحمل و ودي تتفهمني شوي ولا تعصب علي كثير و أصير صياحة من أي كلمة تنقال ..... هو شكله ما صدق خبر إني قلت هالحكي صار يزود في تطفيشي منه و زادت حدته و ماصار يجلس بالبيت مثل قبل كرهت إني أبحت له بهالكلام قسم بالله اكون أحيانا متصلحة ولابسة وجايبة قهوة يقوم يلبس ويطلع بدون مقدمات ومايرجع إلا متأخر و لا همه صاير يحب يجلس لوحده بالبيت أحس يحب يصرفني دايم

عموما هذي القصة بالمختصر

الحين أنا بالشهر التاسع من الحمل وعلى وجهة ولادة وتعبانة وجالسة عند أهلي طلبت منه يجي يأخذني من عندهم ودي أجلس معاه عشان نقضي وقت جميل والله بالسيارة بوزة 10 أشبار مدري وش السبب ؟


يمكن عشان جاب عامل وينظف البيت ويغسل المواعين و أنا قلت ليش تدخل رجل غريب للبيت أحنا عندنا خادمة تنظف إطلبها تنظف إذا إحتجت مو تدخل عامل بنقالي بيتي (( قام خذها سبب عشان يبوز ))
مع إني قلتها بأسلوب عادي مو صراخ ولا بزعل

وحطني بالبيت و هج مع الباب مارجع إلا الساعة 12بالليل و أنا جالسة أنتظره ويوم جاء دخل غرفته ينام ولا كأني جالسه


جيت أناقشه بالموضوع تعرفون وش قالي (( خلاص روحي بيت أهلك إذا مو عاجبك إجلسي عندهم لين تولدين أنا ماني فاضي لدوخة راسك ... قلت له إنا جيت عشانك و مشتاقة لك و مخليه عيالي هناك عشان نجلس سوا قال إنتي شوفي شكلك منفوخة وجاية تبغين جـــ (كلمة مشفرة )... )) وش رايكم بالكلام هذا ؟؟؟؟؟؟ حسيته جرحني بكلام كثير بس هذا اللي أتذكره الحين


قمة التحطيم

مع إني مو شكلي شين و قذره ولا ... بس السخرة من ربي

والله من جد أنا ناوية أظف قشي و أنقلع لأهلي لين أولد و أشوف لي صرفت حال معاه


بس وش تنصحوني محتارة جدا جدا حسيت كرامتي ممرمط فيها بالأرض

وماني قادرة أمسك نفسي من الصياح :(

تكفون لا تخلوني يامجربات جلافة الأزواج