إكتشاف مياه كبريتية

السلام عليكم بنات حواء أنا اليوم يايبة خبر طري وهو وجود مياه كبريتية من الله سبحانه وتعالى طبعا المياة نبعت عن شخص كان في مزرعتة وشافها وورد عنها في الأخبار والصحف والدولة بغت تشتريها عن صاحبها بحكم طلعت عندة في أرضه فتعتبر ملكه بيشترونها بملايين لكن صاحبها رفض العرض وقال هذي المياة ملك الجميع إلي يبي يأتي ويستحم يأتي بأي وقت جزاه الله خير طبعا المياة هذي لها فوائد لعديد من الأمراض أصحاب الروماتزم وغيره وأكيد لها فوائد عديدة بس محد يعرف بالتحديد بس دامها من الله فلا كلام وفيه شخص جسمه كله حبوب والله لما سبح بأستمرار طبعا يقول الحمد لله راحت كلها وعقبال الحبوب إلي بظهري تختفي وكل حد يروح لها من دبي والعين وبوظبي وراس الخيمة طبعا الرجال مسوين لهم مثل الحوض يسبحون داخله أما الحريم مثل غرفه يدخلونها 4 حريم ويتغسلون وعادي يسبحون كامل يعني مثل الفوز أو بعضكم يسميه البيب وأنا إنشاء الله رايحة خلال الأيام الياية القريبة بوددي أمي دوم ريلها تعورها وبنت أختي فيها أكزيما مثل الحساسية يالله الكل يروح ويمكن تشفون من شي تعانون منه وإنشاء الله تستفيدون...............