إكتشتغت الحقيقة المره .. وانظلمت من الكل !!

السلام عليكم ورحمة الله وبركاته ..


كيفكم ي بنات ؟! كتبت هالموضوع للفضفضه فقط ..

بنات انا من صغري كنت ما ألعب ولا أحب الجري أو أي شيء فيه مجهود ..
لأني أتعب بسرعه .. في المدرسه كنت اتعب من القعده الكثيرة في الكرسي وكنت أحط راسي ع الطاوله عشان أخفف الألم .. وكانوا المعلمات يخاصموني ويتهموني بالنوم والكسل .. مع إني كان مكاني في الاول !!!

أمي كانت تهزأني انتي كسلانه وتحبي النوم والتمدد
وأنا كنت أقولها تعبانه ما تصدق وتقول كلنا نتعب ..
اتروش وأتعب من الغسله وأجلس ع الكرسي عشان اكمل الإستحمام .. أطلع من الحمام الله يعزكم وع طول أقعد وأرتاح .. أقوم من النوم وأقعد أرتاح لأني أتعب حتى في نومي ..

طول يومي ممدده ع الكنبه لأنها أنسب وضعيه لي وأرتاح ..
وأتهزأ دايما .. مع اني اقوم بالبيت من كنيس ومساح الأرض والدواليب وغسل الثياب وتنظيف الحمامات والمطبخ ع اختي اللي أصغر مني .. والطبيخ بس ع أمي ..

بس شغلي ما يكون مضبوط مية بالمية لاني أتعب كثير وينكسر ظهري .. وعليها تهزيء ..

قبل زواجي وصتني أمي الف مرة اني ما أتكاسل ..
وبالفعل ظليت خمس سنين أضغط ع نفسي و أهتم بالبيت وبنظافته وبخور يوميا وطبيخ وكل شيء وفوقه دراستي والتعب النفسي من أم زوجي ومشاكلها وغير الإجهاضات الثلاث من خمس شهور والنفسيه زفت ..

وبالأخير جبت بنت وولد الحمد لله .. وزاد الألم وما عاد إستحملت وبديت أقصر حتى زوجي قال إيش فيك .. ما عاد صرتي زي أول المهتمة المتفانيه والنشيطة ..

لمن كشفت في المستشفى هنا كانت الطامه ..!!
قال الدكتور عندك عيب خلقي في العمود الفقري في آخر فقرة هو اللي مسبب لك التعب الدائم وألام .
وخاصمني كيف إستحملت التعب من صغري وليه ما كلمت أهلك ..؟! أنا جتني البكيه لأنهم ما اهتموا ولا صدقوا .. يحسبوني اتدلع .. وقال الحل تدخل جراحي أو بالفزيائي بس يبيلي وقت طووووويل ..

زوجي معه إنزلاق غضروفي وأنا كنت أشيل دبة الغاز ودبة المويه الزرقاء عشانه تعبان .. وأحمل عيالي بعد ..

خبرت امي بالواتس لأنهم في الغربه .. حسيت امي زعلت وما تكلمت بس قالت الله يشفيك وما تشوفي شر ..

انا هنا بكييت بحرقه .. إيش أقول .. ما أقدر ازعل من أمي .. ولا أقدر أقولها ع زمان .. خلاص ..!!

اكتب لكم وأنا ابكي .. بس حبيت أفضفض لكم ي أخواتي .. 💔

بالله أدعولي بالشفاء العاجل لأني تعبت من يوم يومي ..