إكره دوامي انا من المغضوبين عليهم

السلام عليكم و رحمة الله وبركاته

بنات احس بخنقة و مب قادره اتحكم بنفسي كل شي لي ممنوع و لغيري مشروعه ؟

ليش لاني من المغضوب عليهم و لا عندي معارف في الوزاره

ليش هالتعامل ليش يستقصدون الواحد بسبب و بدون سبب ما نقدر نسوي اي شي

لا اجازه نقدر ناخذها و غيرنا بالشهرين والثلاث

ما نقدر نستاذن ساعتين مع انه الكل يقدر و ياخذ و نحن تنرفض او يوصلنا لفت نظر لملفنا

شو نسوي انزين و الله لو مب ضيقتي جان ما كتبت هالكلام

مادري شو اسوي بعمري هذا ثاني دوام لي اول دوام غيرته لانه قطاع خاص ومديري هندي و تصرفاته معاي ما كانت زينه و الحين دوامي في وزاره و كل شي بالواسطة الترقيات المعاملة الاسلوب

يالله ليش جيه يعني شو اسوي ادور على مكان ثاني و لو سرت مكان ثاني شو يضمني انه ما بحصل معامله ازفت عن الي احصلها اهنيه

انا كتبت هالكلام و قمت عقبها صليت و رديت احس الحمدلله احسن

لكن كل ما اشوف الورقة و اذكر المعاملة الي يعاملونها للغير

اموت قهر

ما اقول الا حسبي الله و نعم الوكيل