إكسسوارات بنات هاند ميد، من مجرد هواية لمشروع مربح بالخطوات

كيف اقوم بالتسويق لمنتجاتي من إكسسوارات بنات هاند ميد ؟مبدئياً كده خلينا متفقين ان في كذا طريقة تقدرى تسوقي بيهم منتجاتك منها الإلكتروني ومنها التقليدي زى :
السوشيال ميديا : مواقع التواصل الاجتماعي والسوشيال ميديا بيستخدمها شريحة كبيرة جداً من المجتمع، وبالتالي من خلالهم هايكون عندك فرصة اكبر في تسويق منتجاتك من خلال عمل صفحة تنزلي عليها شغلك وتعرضيه مباشرة للبيع او من خلال الإعلانات الممولة زى (فيسبوك، انستجرام، تويتر، لينكد ان.. إلخ).
استخدمي علاقاتك بأصحابك ومعارفك واعرضي عليهم شغلك، وبكده هايساعدوكي في التسويق لمنتجاتك من خلال معارفهم وهكذا.
اعرضي شغلك وخدماتك على أصحاب المحلات والمشاغل المحيطة بيكي واتفقي معاهم على عرض منتجاتك.
وزعي من شغلك هدايا بسيطة على جيرانك وقرايبك وهم هايروجوا لشغلك.
استغلي أماكن تجمع الناس زى المعارض السنوية واعرضي شغلك فيها.