اعيطيه مهام تشغله و تهد حيله
اشتري له العاب ذكاء

لاتطقينه ابد
وحاوريه

الله يخليه لك يارب ويصلحه ويهديه
أنا أموت على الولد المقشمر كذا بس الصراحة ما اتحمله يصير ولدي:)
يالله صلاح العطاء يارب
بس والله حرام تضربينه أدري انه يجننكم ويجنن بلد بس صدقيني يجي بالأحتواااااااااااااااء وعاملوه على أنه رجل
حسسوه انه كبير إذا شفتوه سلموا عليه سلام كبير هلاااااااااااااااااا يا فلان بصوت كبير
وإسألوه اخبارك وعلومك هاه من اللي مصلح هذا أنت يافلان بيقول إيه وهو أصلا ماهو هو بس يهايط
بس إذا قال إيه قولوا مشاء الله والله أنك ذكي وشاطر وتعرف وماتحوس كل شي ئتصلحه وتسمع كلام أهلك
وإذا قال لا ء هههههههههههه قولوا لا والله نحسبه انت لأنه خابرينك كل شي تصلح وووومن هالكلام
والله بيصير يستحي يخرب ويستحي مايسمع الكلام
ودايم إمدحوه أنه رجال ويعرف مثلا يعد لين عشرة وطبعا حفظوه الأرقام وسور صغيرة الفاتحة والصمد كل أسبوع شي
وهاتي له تركيبات وصلصال الصلصال أفرشي له فرشة في الحوش أو في أي مكان أو على طاولة سهل تنظيفها وخليه يشتغل فيه يصلح قدر وجرة وبريق والتركيبات يركب حسب الكتالوج الموجود

وطبعا إنتبهي للأكل لاياكل شيبسات وببسي وشوكلاتات تراها تزيد النشاط
وطبعا الرقية الشرعية والأذكار لاتنسينها أبد
وبإذن الله راح تشوفينه من أفضل الرجال وأبرهم بوالديه
الله يحفظ لنا ولكم أولادنا وبناتنا ويصلحهم ويهديهم يارب

هذي الطريقة أنا أستخدمها مع الأطفال اللي مثله وأهاليهم مستغربين ويقولون كيف أنتي مايشاغبون عندك
ولا يردون عليك رد شي ولا يتفلون عليك :(!!!!؟؟؟؟
قلت لأنه أنتم أصلا تعاملونه معاملة نفس اللي هو يعاملكم بها بس أنتم ماتنتبهون لأتفسكم وبس مركزين عليه
مع أن كل تصرفاته ماخذة منكم ومن ردود أفعالكم على شقاوته

المهم لاتنسين الدعااااااااااااااااااااء ياقلبي
الله يصلحهم يارب

اعتقد والله اعلم ان فيه مس ولد قريبتي كذا وتعالج بعلاج مكثف بالرقيه ادخلي منتدى الشيخ عبدالله الخليفه الله يشفيه لاتقسين عليه ووقت النوم شغلي عنده سورة البقرة والرقيه الشرعية والاذان مكرر حمليها من النت وشغليها وقت النوم

الله يهديك اختي

الطفل طبيعي مية في المية ,, والمفروض ما تضربينه لأنك تزيدينه

هو طبيعي حركته كثيرة ويضرب ويكسر ولدي مثله الله يحفظه لكن والله كل اللي يبيه منك ولدك الحضن

مو الضرب

انتي تضربيه من احراجك وعشان ما يقولون ما تعرف تربي لكن تراك تجنين على الولد

حصنيه الصبح والمساء بالمعوذات والفاتحة وجيبيله العاب الحركة يبيعونها في المحلات التعليمية

تراها ممتازة ونظمي وقت الطفل

الطفل اذا ما لقى شي يعمله يخرب

الله يهديه إن شاء الله
علمتني امي الله يرحمها ..إني اقرء سورةالفاتحة كم مرة وانفخ عليه
والحمد لله يهدء بإذن الله سبحانه وتعالى

نصحتني مرة ابلة بنتي... لأني اشتكيت لها من هالشئ
قالت إهدئي ولا تصارخين عليها ولا تضربيها,.. وبتشوفين النتيجة
صبرت عليها إسبوعين تقريبا ..
وصرت اكثر البوسات الأحضان..وماشاء الله إهدئت