ياعزيزتي

الرجال يرمي الكلمه وينسى ولايحط لها اعتبار

اذا قالها مره ثانيه

قولي له وش قصدك

واوقفي له

لان بتظل هالكلمه تقرقع في قلبك

ولا احد بيريحك مثله

مرحبا أختي:

شوفي حبيبتي زوجك قال لك ( ماصرت أرتاح لك ) يعني غير عن لو قال ( أنا مهوب مرتاح لك ) و االي أبغى أوصل له ،، تحليل لعبارة زوجك هو: انه كان مرتاح لك بس صار شيء خليه ماعاد يرتاح لك ،، أنت أجلسي مع نفسك و فكري وش الي زعل زوجك حتى لو تافه يمكن يكون عنده كبير ......

و حطي في بالك ان الرجاجيل مثلنا بشر أحيانا تجيهم فترات يملون من رتيبة حياتهم و من الروتين الي هم عليه ،، فتلقين الرجل الي حرمته قوية يتمنى انها هادية و ضعيفة ،، و الرجل الي حرمته ضعيفة و هادية يتمنى انها قوية و لها شخصية يعني يملون من التعود على شكل أو شخصية معينه...

و بضرب لك مثال: ولد خالتي زوجته كلمة تجنن قليلة عليها جمال و أدب و كلام عسل و ما عمرها قالت له لا و اخرتها تزوج عليها و كلنا أنصدمنا من الخبر وشلون لا مااخذها عن حب و بنت عمته ،، و لما سالوه قال: مليت ،، أبغى وحده تقول لي لا....

شفتي يعني لازم الحرمة ما تخلي لزوجها مجال انه يمل ،، و تخلي عقله يفتر معها و تخبله من كثر ما تجدد في نفسها ..

حبيبتي: أنظري لنفسك حاول تغيرين في أسلوبك و طريقة كلامك و معاملتك ،، و الحاجه الحلوة فيك أثبتي عليها بس جدديها ...

و بعدين أجلسي مع زوجك بهدوء و ناقشيه في هالموضوع و بصراحة مطلقة دون زعل أو انفعال ،، خليه يطلع اللي في قلبه ،، و بعدين تصرفي...

و عليك بالدعاء دائما ( اللهم سخر لي زوجي و سخرني له ، و أبعد عنا كل شر أو حسد ) ...

بصراحة ما أقدر أقول لك أكثر من كذا لانك ما قلتي كثير عن ظروفك...

أتمنى أكون أفدتك...

الصراحه هالكلمه مااشوفها مشكله ..

حبيبتى
الله يخليكم لبعض
شوفى حبيبتى شو الى خلاه يقول هااكلام
يمكن فى مرة قال شى مثلا و انتى قلتيه لاحد ثانى فوصلت له بطريقة او باخرى
خدى بالك الازواج ما يحبو المراة الى تفشى سرهم لحد ثانى و حاولى تراضيه بشى و حاولى عشان يقول ايش مزعلو منك

حبيبتي يمكن سربتي شي من اسرارة عند احد ووصلة عن طريق زميل او اهلة:::::عموما ارمي هذة الكلمة وراء


ظهرك وحسسية بالثقة من جديد لوكنتي غلطانة:::::واذا كان الموضوع شي ثاني فحاولي انك تصلحين غلطتك


بمواجهتة:::::وانتهى الموضوع لاتضيقين صدرك عندنا وعندكم خير....كل الرجال كذا