الله يرزقك في الدنيا و الاخرة و الله اني محتاجة لمثل هذه المعلومات

اهلين ترف حياك الله
والله يعزيزتي انا مشواري طويل ولا زال قدامي الكثير
انا قدمت الطلب الله يسلمك والا يهونون الباقين قدمت من شهر سبعه الهجري عام 1429 وطلبوني للمقابله بشهر واحد محرم من السنه الي بعدها ليش كل هالوقت ماادري سويت المقابله ولله الحمد مشت على خير لكنهم طلبوا مني اغير قيمة القرض يعني ارفعه لانهم اعتبروه قليل
وبشهر سته طلبوني للدورات اخذت دورتين دورة مبدئيه عن المونسوري ودوره عن تجهيز المبنى والفصول
هم في الحقيقه ماقالولي اخذ التصريح المبدئي من اداترة التعليم وهذي غلطتهم وانا للاسف ماعندي خبره بذي الامور مع اني كنت اتصل واسالهم ايش المطلوب مني انا كان عندي وقت من شهر واحد الى شهر خمسه اني اطلع الترخيص لكن الوقت راح علي بسبب قلة خبرتي واضطريت انتظر الى شهر عشره علشان يفتحون التراخيص يعني راحت على سنه وانا ماسويت شي
وبشهر عشره قدمت طلب الترخيص المبدئي وحصلت عليه بشهر اثنين من عام 1431 وارسلته فاكس للشركه الاكاديميه ثم طلبوا مني تفويض للشركه علشان يسوون لي دراسة الجدوى هي في الحقيقه مو دراسه بمعنى الكلمه فقط ترتيب وتوزيع للمبلغ الي طلبته
ورفعوا الدراسه للبنك ويوم الاربعا من السبوع الي فات اتصل علي البنك علشان اجي اوقع العقد ووقعته اليوم ولله الحمد
انا بالرياض لكن راح ننقل لبريده ومشروعي ان شاء الله في بريده
ادعولي واي سؤال انا حاضره ترى اذا ماساعدنا بعضنا ماراح احد يساعدنا للاسف الجهات المسؤله مايقدمون معلومات تنفعنا وانا مجربه

::.::رواسي::.::

الله يوفقك وين مارحتي ويسهل امورك وينولك اللي في بالك

معليش سؤال ثاني واعذريني اذا ثقلت عليك

الحين انت مقدمه على البنك بالرياض والا في بريده

واذا بالرياض هل مسموح انك تقدمين بمكان والمشروع يكون بمكان ثاني؟؟

اهلين لاثقلتي ولا شي انا احب اخدم خواتي والاجابه بالي اقدر عليه ماهو مكلف
انا قدمت في البدايه على اني راح اسوي المشروع بالرياض وبما ان مشواري طول معاهم زوجي نقل لبريده وبما اني لازلت على البر قلتلهم اني راح انقل المشروع لبريده قالولي ارفعي خطاب بهذا ورفعته لهم ووافقوا عليه لكن اذا قصدك اني اكون ساكنه في مدينه ومشروعي في مدينه ثانيه مااظنهم يوافقون وانا بصراحه ماسالتهم لكن من شروطهم الي بالعقد اني لازم ارفع لهم تقرير عن سير المشروع كل ربع سنه

خواتي انا ابغى انصحكم نصيحه تمسكوا فيها لاتيئسون مهما طال عليكم الوقت وخلوا اثقه بالله قدام عيونكم ولا تستمعون لتحبيطات الي حولكم
بصراحه الرجال خاصه ماعندهم ثقه بنجاح المرأه ودائما يحاولون يحبطون عزيمتها انا بصراحه زوجي دائما يسمعني كلام يحاول فيه اني اترك المشروع لاكن بثقتي بالله مااستمعت له ومشيت بمشواري وان شاء الله اني احقق مبتغاي