ذهب خالص
•
اهلا رواسي وفوتشيني شكرا على طرحكم الرائع صراحة جاء بوقته انا لسه اقول بسم الله اقدر اقدم على القرض قبل اخذ الترخيص المبدئي من ادارة التعليم واي ترخيص ثاني وبالنسبة للمبنى انا الوالد الله يعطية العافية بيدخل معي شريك بارض وانا ببنيها بس محتارة متى ابني لان لازم تطلع المشرفة تشوف المبنى وتوافق علية فكيف راح يكون الامر واسفة على الاطالة
الصفحة الأخيرة
اول شي تقدمي طلب القرض انا قدمته عن طريق موقعهم بالنت لكن سمعت الحين انه لازم تروحين للفرع علشان تقدمين وانا مو متاكده
ثانيا هم يتصلون عليك علشان المقابله بعدها اذا وافقوا على طلبك بيحولون اوراقك للشركه الاكاديميه انا عطتني الشركه دورتين وحده للتعريف بالمونتيسوري والثانيه لكيفية تجهيز المبنى وعن الادارة
بعدها الشركه تعيد ترتيب الدراسه الي سويتيها ثم ترفع اوراقك للبنك علشان توقعين العقد بصراحه انا طولت معاي الشركه حتى سوت الدراسه مع انها مايبيلها شي وطول البنك على بال ماطلبوني للتوقيع ثم اخذوا ثلاث اسابيع علشان يعطوني نسختي
انا من نصيحتي لك اول ماتسوين المقابله وقالولك انهم موافقين روحي لادارة التعليم وخوذي التصريح المبدئي لان ادارة التعليم تاخذ من شهرين الى ثلاثهعلى بال مايعطونك الترخيص وعلى حسب المنطقه
ملاحظه الترخيص المبدئي تاخذينه حتى لو ماعندك مبنى
ثم انتظري لاتدورين على مبنى الين ماتقولك الشركه انهم رفعوا اوراقك للبنك وانتظري ينادونك لتوقيع العقد ذيك الساعه دوري مبنى لان البنك ياخذ من ثلاث شهور الى اربعه وانت وحظك
بالنسبه للتصاريح الثانيه الي من الغرفه التجاريه والي من البلديه والدفاع المدني ماتقدرين تاخذينها الا بوجود مبنى
بالنسبه للمونتيسوري حنا اخذنا تعريف عنها فقط كانت فيه دوره عن النظام بشكل مكثف لاكن كانت غاليه ومااخذتها
لكن اذا قدرتي تتفقين مع نجار يقدر يسويلك الادوات بسعر معقول لاتقصرين والله يوفقك