::.::رواسي::.::
يا قلبي عسى ربي يبارك لك في خطواتك وروحاتك ورداتك أجل شديتي الرحال الله يكتب لك الخيره ويبارك لك في الارض اللي نزلتي فيها ..
الله يجزاك خير على هالمعلومات يعني الواحد يجيب أغراضه ويعبي هناك ويخلص وهو واقف على كذا .بس
وثيقة السكن هي نفسها عقد الايجار وصك الملكية ولا حاجه ثانية !!!؟؟
وبعدين كيف تثبتين لخلق الله انك مش موظفة ...وحسن السيره والسلوك من وين تطلعينها >>>الاخت راعية مضاربات
ولا تدرين أرسلي لي رقم التعليم الاهلي على الخاص وانا اتفاهم معهم

وشكرا على تصحيح الجدوى بس مدري انتي مدخله المقصف انا سمعت ان المقصف ممنوع في رياض الاطفال أفيدينا ..

حنان ايدك
هلا والله اسعدني مرورك واعذريني ما رديت عليك في الوقت المناسب بس ضروف صحية
ودراسة الجدوى المبدئية مش صعبة هم أصلا يبغون يشوفون مدى استيعابك لفكرة المشروع ..

وما دامك اخذتي رقم خلاص الله ييسر لك عسى ربي يكتب لك الخيره بس انتي توكلي على ربنا واستمري بالاتصال فيهم وبشرينا

بيلسان55
يا هلا والله فيك وبمرورك الجميل
بس .... تعاااااالي ..... قربي شوي ... أبمعط أذنك ... لا عمري اسمع أحد متحبط ... عندك خياااارات كثييييره لا تضيقين على نفسك بخيار واحد ... صح ما خاب من استشار بس ليش أحس ان اللي استشرتيهم يدفعونك للمئوية ..
شوفي بما انك طلبتي مني الصراحه فانا بقولك .. مميزات بنك التسليف حلوه لأنهم يتابعونك وبعدين ويعطونك استشارات ويبحثون معك الحلول لو وقعتي في مشكله لكن أقرأي شروطهم نعم هم يرهنون مشروعك اذا خسرتي .. بس ليش تخسرين أذا كنتي متوكله على ربنا ومخططه صح لكل صغيره وكبيره .. هذا مو بسطة فصفص لي طفشتي نفضتيها .. هذا مشروع فلوس وعملاء وميزانيات وارزاق ناس .. يعني كوني مررره قدها وقدوووود وأدخلي بقوه ..
أنا أعرف كم وحده مقدمه على بنك التسليف قروض باقيم مختلفه .. منهم من أنتظر 7 شهور ومنهم من انتظر أسبوعين ( اذا ما كانت حظوظ فهي واسطه ) ومنهم من انتظر سنه .. طيب وش المشكلة في الرد مهم لما يعملوا لك مقابله ويعطونك الاوكيه تبدأي في المبنى يعني قبل كذا ما راح يظرك الانتظار ..
اناانصحك تحطين في بالك كم بنك وتبحثي في شروطهم وتعملي مقارنه وتشوفي الاصلح لك وتستعيني بالله وتبدأي ..والله معك في كل خطواتك
وياريت ترسلي لي رقم الاستشارية الاقتصادية

أميره بكلمتي2009
هلا قلبي
ايش شهاداتك
أحنا بحاجه لبنات اذا بدينا عملنا كل اللي بدوا مشروعهم بحاجه لمعلمات رياض اطفال ومعلمات تدبير منزلي واقتصاد ومحاسبات وسكرتاريا وحاضنات ومرافقات اطفال ومراسلات وحراس أمن ومعلمات حاسب آلي ومعلمات قرآن بالطريقة النورانية ومعلمات نظام منتسوري .. ومديرات خبره لا تقل عن 3 سنوات في الادارة وعملت معلمة ومشرفة توزيع وحدات وأنشطة .. وأخصائيات نفسيات وأجتماعيات .. فياريت اللي عندها تحط طلبها هنا وراح يشوفونها صاحبات الروضات

السلام عليكم كلكم يا اخوات والله يوفقكم كلكم في مشاريعكم
انا كنت مقدمة على بنك التسليف وكنت من ضمن اول دفعة عمل لها البنك مقابلة وفي المقابلة اعجبت مديرة البنك با اجوبتي كثير لان انا عندي خبرة طويله . وبعدين كلموني الشركة الاكاديمية عشان التراخيص , ولكن لم اكمل الاجراءات لان زوجي سافر واضطريت اسافر معاه ..ومن فترة كلمت البنك وقال لي اني اقدر اكمل الاجراءات فالي عندها فكرة عن شروط الحصول على الترخيص المبدئي انها تقول لي وتساعدني واذا يمديها بعد ترسل لي الاوراق اكون شاكرة لها علما انا من الشرقيه , وحاليا في كندا .
وشكرا