إللي جربت التقشير الكيمائي تدخل

اختي احس انتهى زمن التقشير الكميائي مادري احس انه تعب

شوفي اختي في تقشير في مده ثلاثه ايام وممتاز ويخلي البشره صافيه لاتعب ولاشي
ولا بعد عادي تطلعين في الشمس على كيفج ولايضرج شي سيده وانتي مسويه التقشير

وبعد ليش ماتجربين التقشير بالليز ثاني اكسيد الكربون وبقولج طريقته

يمسحون وجهك بكريم مخدر خاص وبعدها يبتدي الجراج يسلط هالليزر على بشرتج ويتم يشتغل في الوجه تقريبا نص ساعه
وبعدها يمسح على وجهك ثلج ويخليه نص ساعه بعد ونصيحه لاتشوفين وجهك لان بتتخرعين لانه بيصير كأنه محروق

وبيعطيج كريم خاص تستخدمينه صبح وبالليل علشان يلطف الحراره بس بتنحرمين من الشمس لمده شهر

لكن النتيجه بشره صافيه من البقع والتجاعيد بعد

وللعلم انا حظرت التجربه مع وحده تصير حق زوجي عمرها فوق 37 وشفت وجها شلون اول شي كأنه محروق ومنتفخ واحمر

لكن بعدين صاره حلوه وتغيرت وصغرت بعد الي يشوفها يقول 28

اي صح نسيت اقول لو كنتي سمره وايد مايصلح لي التقشير باليزر ثاني اكسيد الكربون لانه ممكن يسبب ندب للبشره

السمره :26:

الا التقشير بالليزرلاتفكرين تسوينه بالمرررررره نصيحه لك

ولكل البنات وهذا شي سألت عنه استشاريه وقالت لي انه خطير

جدا لانه مايناسب اجواء منطقتنا ولا بشرتنا انصحك با احماض الفواكه

وعن تجربه اذا ناويه على التقشير

رمايه وين سويتي التقشير اللي بس 3 ايام؟؟؟
ابي حد اسوي عنده تقشير بعد الولادة ياريت تساعديني

اختي سويته في مركز مايا للتجميل وبصراحه كانت النتيجه خياليه حتى كنت داخله دورة تجميل ويوم شافوا وجهي

بعد التقشير وانا مش حاطه شي ابد قالوا لي شنو ماركة كريم الاساس الي تستخدمينه قمت انا تخرعت خفت يحسدوني

قلت لهم اي اساس قالوا هالشكل يخلي الوجه صافي