إللي حصل اليوم

السلام عليكم
رايحه امر بناتي في أمان الله الظهر
مريتهم اخذتهم من المدرسة
عند الاشارة واقفه انا في أمان الله انتظر الاشاره تفتح المهم سياره خلفي صدمتني لانها ماوقفت فرامل بالوقت المناسب رغم أن الاشاره حمراء
جا نجم الخطاء على السياره اللي خلفي مئه بالمئه
والحمدالله عوضنا التأمين على الاضرار والحمدالله اولآ وأخيرا على سلامتنا ..
نجي الزوجي انتي صدمتني شكلك نايمه أقوله يا رجل انا واقفه عند الاشاره الحمراء في أمان الله السياره اللي وراي ماوقفت فرامل بالوقت المناسب وصدمت بسيارتي من الخلف
ونجم حط التأمين الخطاء على السياره اللي صدمتني مئه بالمئه
وانتهى الموضوع
لكن مخ زوجي يحب يعشق يحط الخطاء علي يستمتع بتحطيمي
لا لا صدقيني شكلك انتي ضربتي فرامل فجئه ثم السياره اللي وراك صقعتك انتم يا الحريم معليش
الغريب اهل زوجي كل ابوهم عرفو وانتشر الموضوع على وفاق واسع وماشاءالله نشر السالفه
واهله عرفو واخته تدق ياوخيتي وش لنا بالسواقه اتركيها اقولها واوصف الحادث وان الخطاء مو علي كانها تسد اذونها ماتبي تسمع والكلام كله تشمت وانه اتركي السياقه ومالنا ومالها وكلام يغث
الان ورب الكعبه عرفت ليش خواتي اذا حكو السياره او سوو حوادث بسيطه مايعلمون احد اثر المتشمتين وآجد أعوذ بالله ماتوقعت احد يفرح ويستمتع وهو يحط من شانك وانت ماتستاهل السياره وهذي كثيره عليك وانت حدك اوبر وكريم
شي نماذج غريبه مرت علي اليوم رغم كل اللي صار مخوش وحكات بسيطه بالخلف ليتني تنازلت ولا ناديت نجم، وعرف زوجي وصارت حكايه وسالفه عند اهله ليتني سترت على نفسي ماتسوى علي ..الحرمة اللي صدمتني من الخلف قالت ياوخيتي حكة بسيطه و طعجه بالشفط تروح ماتبان ابدا ماتكلف شي لكن انا لا لا مادام معاك تامين ورخصه نكلم نجم يعوضنا ،،خلو عنادي ينفعني ليتني سامعه كلامها وكلن راح في حاله ،. ورب الكعبه كمية شفايه وتشمت عجيبه من الناس ..