إللي راحت لماليزيا تساعدني وتفيدني.. ولها دعوة في ظهر الغيب..

انا رحت ماليزيا في شهر العسل قبل 5 سنوات
والصراحه ماني فاكره اسماء الفناادق <<< فقدت الذاكره
الشي اللي افتكره اول ما وصلنا رحنا على منطقه فوق الجبل اسمها جنتنج و كمان فيها فندق بنفس الاسم
وفيها ملاهي صغيره
والفندق اول ما دخلنا الغرفه كانت لسه ما اتنظفت و لما جو يغيروا شراشف السرير خلو القديمه، يعني شراشف الناس اللي قبلنا..........تخيلي القرف
بس طبعا ما سكت و غيروها
و في فندق مرررررة فخم و راقي اسمه سن واي لاقون و كمان جنبه مول كبير بنفس الاسم
عموما في المنطقه دي روحي بس يومين<<< ما ادري اذا الان اتغيرت ولا لا
و بعدين رحنا جزيرتين بينانج و لانكاوي و اخدنا شاليهات على البحر بس للاسف ماني متذكره اسمها بس كانت روعه
و الرحله تستغرق تقريبا 6 او 7 ساعات من السعوديه
وبالنسبه للمسخرة و قله الحيا، ايام لما رحت انا كانوا الناس قمه في الادب و ما شفت شي
و الحجاب لا تشيلي همه لانه بلد مسلم و اغلب الناس متحجبين هناك ، روحي بحجابك و خليكي واثقه من نفسك، وانتي اختاري اللي ترتاحي فيه بالطو او عبايه
والاغلبيه هناك يتكلموا انجليزي

هلا حبيبتي انا رحت ماليزيا الصيف اللي فات ومعاي اطفالي سنتين واربع سنوات
الأهم حجابي ماغيرته عبايه على الراس والوضع جداا عادي

الرحله تستغرق 8 ساعات متواصله من الرياض لكوالالمبور
بس احنا رحنا لدبي ووقفنا ساعتين وبعدين من دبي لكوالالمبور 6 ساعات

طبعا بأعطيك برنامج الرحله كامل واخطائنا
اول ثلاثه ايام كانت في كولالمبور وسكنا في الخيول الذهبيه 6 نجوم وكانت قمه في الرووووعه لا يفوتك يجننننننننننن كل ماتذكرته اتمنى اني فيه الآن الله يرزقنا ونروح مره ثانيه

بعدها رحنا طيران ساعه لجزيرة لنكاوي وكلها مسلمين حتى تسمعين الآذان وتشوفين المساجد بكثره هناك هذي الجزيرة للرومانسيه عليها شاطئ روووعه رومانسي جداااا

والفندق كان لنكاوي لاغون وروووعه نظيف ويجننننننننن طبعا 5 نجوم بصراحه طبيعه ساحره انصجك لا تفوتك وجلسنا فيها 3 ايام الافضل 5 ايام في نظري لانها منطقه هادئه

ومن بعدها ركبنا العباره( السفينه ) ورحنا لبينانغ يالله تعبنا بالسفينه كانت 3 ساعات ونص وشوفي عاد الغثيان والاستفراغ قرررف صراحه اذا تقدرون تروحون على الطياره افضل

وجلسنا في بينانغ 5 ايام ومميزاتها ان شاطئها فيه حركه كثيره يعني تشوفين العالم فعلى الدبابات البحريه والبرشوتات شئ حلوووو بس نصيحه لا تروحون لأي حديقه زي حديقه الفراشات والفواكه والله خساير على غير سنع تحسفنا انا دفعنا فيها شينه خليك على الشاطئ روووعه اخر يومين نقوم من الفندق وننزل نجلس على الشاطئ من الصبح للين الليل وناااسه
والنفدق ناسيه والله اسمه

وبعدين طلعنا لكاميرون وجلسنا يومين هذي ماادري مااعجبتني وفندقهم مره قديم وخايس

ومن كاميرون رحنا جنتق وخساره ماجلسنا الا يوم تحسفنا ياليت كنا مخلينها اكثر من 3 ايام اذا اطفالك يعرفون اللعب طولوا فيها وفندقهم حلووو وناسيه اسمه

ومن جنتق طلعنا لكولالمبور وسكن في فندق ريجنت حلووو مره هالفندق اعتقد انه 6 نجوم
واختي سكنت في ماندرينا بعد 6نجوم وروووعه لكن ريجنت قريب من الاسواق تروحين لها على رجولك اذا تحبين التسوق
وانا عن نفسي تحسفت قلت ياليت سكنت في الخيول الذهبيه واذا بغينا السوق نطلع له في السياره
المهم جلسنا في كولالمبور 7 ايام ورحنا لصن واي لا قون يوم واحد يكفي تروحين من الصبح بدري وترجعون المغرب لانه يتسكر الساعه 7ونص المغرب وفيه مجمع تسوق حلووو وهذا عيبه الوحيد كل العالم لابسين مايوهات قهروووني خخخخخخخخ

هذي تقريبا رحلتنا كامله اتمنى اكون افدتك واطفالك حاولي ماتنومينهم عشان يخمدون في الطياره لان عيالي ابلشوني الله يصلحهم

أنا آخر مرة رحت ماليزيا من سنتين
في كوالالمبور سكنت في فندق مندرين اورينتال بصراحة فندق راقي ونظيف ومن ناحية قلة الأدب بصراحة أنا شفت في الخليج قلة أدب ما شفتها في ماليزيا
وجنبه مركز سوريا التجاري سوق مكون من 5 أدوار
وفي سن وي لاقون مثل ما قالت الأخت مشكله هالفندق حلو بالاضافة للمول اللي جنبه ومدينة الألعاب بس بالفعل مايحتاج الواحد يقعد فيها أكثر من يومين
وبالنسبة للجزر لانكاوي تجنن وفندق شيراتون بيردانا روعة هو عبارة عن منتجع
على البحر طبعا والمكان حلو حق الصغار يعني فيه مسابح للصغار ولاتنسين تروحين الشلالات تراها شي خيالي
والعباية عادي البسيها على الراس لأن الناس هناك أكثرهم مسلمين ومتعودين علينا بالعباية

ياليت اعرف احط الصور وانزلك صور لماليزيا علموني وانا ماراح اقصر :D

اذا ناويه تسافرين بهالوقت طبعا افضل بالنسبة للجو بالصيف رطوبة

وبالنسبة للبس لو عندك الحجاب المصري الطويل حلو وساتر وعملي

بنفس الوقت عشان تتحركين بسهولة خاصة اذا معك اطفال ولاتنسي

لبس البنطلون تحت العباية صراحة ساتر وافضل من دراعة او تنورة

كل مانزلتي من قطار او سيارة سيقانك تطلع دايما اشوف هالمنظر

وانتقد الحرمة حيل بيني وبين نفسي لانه شنو فايدة عبايه على الراس
وكل ماتحركت طلعت سيقاني للركبة ( فشيلة)
ورحلة سعيدة ان شاء الله وهذا رابط فيه صور وسوالف ممكن تفيدك
عن ماليزيا
http://www.travel4arab.com/vb/forumdisplay.php?f=17