إللي عندهم خبرة في التوفل...

السلام عليكم اخواتي
انا اختبرت التوفل لانه كان شي اساسي عشان اقدر اكمل دراستي وبصراحه كان مررره صعب لانه انا كنت مبتدئه بالانجلش وما كان هندي الا شهرين اداكر فيهم وفعلا ضغت على نفسي واتحديت الكل عشان احل فيه
والحمدلله اجتزته طبعا ما حليت الاسئله كلها لانه مافي وقت واغلبها تخمين اختي انتي ليش تبي تختبري؟
الله يوفقك

بالتوفيق
أنا بعد ودي اعرف

السلام عليكم و رحمة الله و بركاته


listening
يحتوي على 50 سؤال مقسمينهم على ثلاث أقسام A,B,C لمدة 35دقيقة و هذا أسهل قسم ..

part A
يحتوي على 30 محادثة قصيرة و كل محادثة عليها سؤال
part B
يحتوي على محادثتين طوال و كل محادثة عليها مجموعه من الأسئلة ( غالبا ما تكون عن aspect of school , general living, topics currently in the news in the United States)
part C
يحتوي على ثلاث مقاطع و كل مقطع عليه مجموعه من الأسئلة ( غالبا ما تكون مقاطع محاضرات تدرس في الجامعات و الكليات الأمريكية)


Structures
يحتوي على 40 سؤال (بعض الامتحانات تكون أكثر) و مدة الإجابه 25 دقيقة و ينقسم قسمين
اكمال الفراغ :
1- 15 يحتوي على 15سؤال ، و أصعب الأسئله بتكون 11-15
اختيار الكلمة الخاطئة نحويا:
16-40 يحتوي على 25 سؤال ، و أصعب الأسئلة بتكون 36-40

اممم سيرنا نصحنا نقسم ال 25 دقيقة على أساس 10 دقايق على اكمال الفراغ و 15 دقيقه على اختيار الكلمة الخاطئة نحويا و طبعا الأمر راجع لج ..


Reading
يحتوي على 5 قطع موزعين على 50 سؤال(بعض الامتحانات تكون أكثر) لمدة 55 دقيقة و هذا أصعب قسم

امم سيرنا نصحنا نقسم ال 55 دقيقة على أساس 10 دقايق على كل قطعه و أسئلتها ( 5 قطع * 10 دقايق = 50 دقيقة ) و في النهاية بتبقى 5 دقايق حق المراجعة و طبعا الأمر راجع لج ..


ما أعرف شي عن الرايننق لأنه مب مطلوب مني ف الجامعة
أعتقد بدون الرايتنق لازم اتيبين 50 في كل سكشن ، بس مثلا إذا كنت يايبه 55 ، 48 ، 47 بتكونين ناجحه لأنه الخمسه الزايده بتتوزع على الباقي

أنا امتحنت توفل ثلاث مرات في الجامعه و هم يتعاملون ويا الامد ايست
المره الأولى يبت 440
المره الثانيه يبت 460
المره الثالثه اليوم امتحنت و النتايج ما ظهرت بس إن شاء الله أنجح

أنصحج تمتحنين ف الامد ايست


الله يوفقج حبوبه
:26: